Linda Yaccarino njoftoi largimin e saj nga pozita e drejtoreshës ekzekutive të X, platformës sociale në pronësi të Elon Musk, pas dy vitesh në krye.
Ky lajm vjen vetëm një ditë pasi inteligjenca artificiale e Musk-ut u përfshi në një skandal, kur chatbot-i Grok, i zhvilluar nga kompania e tij xAI, postoi mesazhe në X që shprehën admirim për Adolf Hitlerin dhe promovuan përmbajtje antisemitike.
Në fund të marsit të këtij viti, kompania e inteligjencës artificiale e Musk, xAI, bleu X-in për 33 miliardë dollarë, duke bashkuar zyrtarisht dy entitete që më parë ishin ngushtësisht të lidhura. Megjithatë, kjo lëvizje ngriti pyetje rreth rolit të ardhshëm të Yaccarinos në platformë.
Mundesh me e lexu edhe…
Në një postim në X, Yaccarino shprehu falënderimet e saj ndaj Musk-ut për besimin dhe mundësinë që i dha për të mbrojtur lirinë e shprehjes dhe për të transformuar X-in në një aplikacion gjithëpërfshirës.
After two incredible years, I’ve decided to step down as CEO of 𝕏.
When @elonmusk and I first spoke of his vision for X, I knew it would be the opportunity of a lifetime to carry out the extraordinary mission of this company. I’m immensely grateful to him for entrusting me…— Linda Yaccarino (@lindayaX) July 9, 2025
“Më e mira ende nuk ka ardhur, pasi X hyn në një kapitull të ri me xAI. Do të jem gjithmonë me ju ndërsa vazhdoni të ndryshoni botën,” shkroi ajo.
Yaccarino nuk dha arsye të detajuara për largimin, por një burim pranë saj konfirmoi për NBC News se ajo kishte menduar për këtë hap prej më shumë se një jave. Elon Musk e falënderoi për kontributin e saj.
Linda Yaccarino, e cila më parë ishte drejtuese e marketingut në NBCUniversal, mori drejtimin e Twitterit në qershor të vitit 2023, rreth tetë muaj pas blerjes së platformës nga Musk.
Roli i saj kryesor ishte përmirësimi i marrëdhënieve me reklamuesit, të cilat ishin vënë në rrezik pas ndryshimeve dhe komenteve të Musk-ut në platformës. /Katror.info
Përgatiti:
