Faqja e specializuar e transferimeve dhe statistikave Transfermarkt ka publikuar sot (e premte) përditësimin e fundit të vlerave të futbollistëve, ku pjesa e saj ishte edhe Superliga e Kosovës.
Nga sot, futbollisti më i vlefshëm në Superligën e Kosovës është mesfushori Ballkanit dhe kombëtares së Kosovës, Lindon Emërllahu.
Sipas Transfermarkt, 21-vjeçari therandas tani në treg ka vlerë prej 1 milion eurosh, e cila është rritur për 400 mijë euro pasi më parë vlente 600 mijë.
Mundesh me e lexu edhe…
Në vendin e dytë, renditet braziliani i Ballkanit, Giovanni me vlerë prej 900 mijë eurosh, teksa top treshen e kompleton ylli kosovar i Malishevës, Drilon Hazrollaj, me vlerë prej 800 mijë euro apo një rritje prej 50 mijë eurosh nga vlerësimi i fundit.
Najeeb Yakubu (Prishtina), Egzon Bejtulai (Drita), Drilon Islami (Prishtina), Albert Dabiqaj (Drita), Albin Krasniqi (Prishtina) dhe Etnik Brruti (Malisheva) janë lojtarët e radhës me një vlerë prej 500 mijë eurosh në treg.
Top 10-shen e përmbyll Rron Broja i Dritës me një vlerë prej 450 mijë eurosh, po aq sa vlejnë edhe Sunday Atetunji i Ballkanit në pozitën e 11-të.
Kushtrim Shabani, Beknaz Almazbekov, Arlind Veliu, Almir Ajzeraj, Walid Hamidi dhe Senad Jarovic vlejnë nga 400 mijë euro në treg.
Rritjen më të madhe në përqindje në këtë vlerësim e pati talenti i Dukagjinit, Hekuran Berishën, i cili ka marrë një rritje prej 2900% apo një vlerë prej 300 mijë eurosh në treg.
Përveç tyre, rritje të ndjeshme ka pasur edhe Superliga e Kosovës, e cila me gjithë lojtarët tani vlerësohet 38 milionë euro. /Katror.info
Përgatiti:
