Lionel Messi është futbollisti më i mirë në planet, askush nuk mund ta dyshojë këtë, por tani duhet të flasim edhe për anën e biznesit të kampionit të botës, pasi ai sapo ka zbuluar linjën e tij të verërave dhe si mund të ishte ndryshe, pija alkoolike quhet “10 GOAT”.
Me anë të një postimi në Instagram, Messi zbuloi linjën e tij të verërave dhe shkroi: “Disa prej jush na pyetën për këto verëra unike që bëmë me Mmwinemaker. Këtu keni një edicion special: dy verëra premium që nuk mund t’i humbisni. A i keni provuar?”.
Vera ka dy etiketa të ndryshme, njëra, varieteti e bardhë Syrah dhe Indicazione Geografica Tipica (I.G.T.) nga Siçilia; dhe tjetra, e zeza, Indicazione Geografica Tipica (I.G.T.) por nga zona e Pulias.
Mundesh me e lexu edhe...
Të dy shfaqin një imazh të Lionel Messi-t me numrin 10 dhe fjalën “GOAT”.
Kjo sipërmarrje e re e argjentinasit u vlerësua shumë nga ndjekësit e tij, të cilët madje e krahasuan pijen me golat e tij.
Por tani mund të pyesni veten për çmimin, dhe e vërteta është se është e përballueshme për të gjitha buxhetet: kushton 60.32 euro dhe tani për tani shitjet janë vetëm online nga faqja e markës me të cilën Messi bashkëpunoi.
“MM Winemaker” ka një histori të pasur dhe lidhje të thellë me rajonet italiane të Kampanjës, Pulias dhe Siçilisë, të njohura për një traditë shekullore të prodhimit të verës.
Kompania e verës që është partnere e Messi-t në shishet “GOAT” është e bazuar në Zvicër dhe fryma e saj inovative e bën atë një lider botëror në prodhimin e verës.
Në kërkimin e tij të vazhdueshëm për përsosmëri, “MM Winemaker” ka fituar më shumë se 500 çmime në garat e njohura: Concour Mondial de Bruxelles, CWSA Hong Kong, Wine Chateau dhe Expovina./Albanian Post/ Katror.info
Përgatiti:
