Liverpooli ka hedhur sytë drejt Gonçalo Ramos-it – sulmuesi 23-vjeçar i PSG-së është në radarët e klubit anglez si një alternativë premtuese për repartin ofensiv në sezonin e ardhshëm.
Sipas burimeve pranë klubit, drejtuesit në Anfield po analizojnë mundësinë e një transferimi, me vlerën e përfolur që kap shifrën e 55 milionë paundëve. Ramos, i cili u bashkua me PSG-në nga Benfica, ka pasur momente pozitive në Francë, por nuk ka gjetur ende qëndrueshmëri në formacionin startues.
Për Liverpoolin që po rinovohet në epokën e trajnerit të ri, lojtari shihet si një kombinim ideal mes përvojës ndërkombëtare dhe potencialit për të rritur edhe më tej nivelin.
Mundesh me e lexu edhe…
Aktualisht nuk ka një ofertë zyrtare në tavolinë, por lëvizjet e fundit tregojnë se “The Reds” mund të bëjnë hapa konkretë së shpejti. Nga ana tjetër, PSG nuk përjashton mundësinë e një shitjeje, nëse mbërrin një propozim bindës financiar.
Ramos mbetet një emër për t’u ndjekur gjatë kësaj vere./Katror.info
