Në ditën e dytë të turneut ndërkombëtar PRISHTINA OPEN 2025, janë zhvilluar garat e grupmoshës u13 për djem dhe për vajza, së pari në fazën e grupeve pastaj me fazën e eliminimeve direkte.
Gara e djemve ka kaluar në shenjë të lojtarëve nga Kosova, pasi të tria vendet e para i kanë fituar lojtarët tanë.
Kampioni i turneut për këtë vit është Rejan Krasniqi nga KPP TTC Ferizaj, i cili në finale e mundi Olti Behlulin e KPP Ahmet Hoxha MK me rezultatin e ngushtë 3:2.
Mundesh me e lexu edhe…
I treti doli Imran Duraki nga KVPP Prizreni, i cili e mundi Marios Saridisin nga Greqia.
Te femrat, podiumin e ndanë lojtaret nga Maqedonia, Kosova dhe Shqipëria. Stojanovska doli e para pas fitores me 3:1 ndaj Sara Hoxhës së KPP Ahmet Hoxha kurse Ana Kokoneshi i Shqipërisë doli e treta, raporton Katror.info.
Fituesit e tri vendeve të para, u shpërblyen me mirënjohje, medalje dhe me dhurata.
Garat i përcolli edhe Kryetari i Komitetit Olimpik z.Ismet Krasniqi, i cili njëherit i ndau shpërblimet për U13.
Pas dite do të fillojnë garat në grupe për kategorinë e seniorëve, ku priten lojëra shumë cilësore duke marrë parasysh pjesëmarrjen e lojtarëve nga shumë shtete.
Katror Media si partner medial i tournamentit Prishtina Open 2025 me ekin e vet të produksionit po përcjellë gjatë 3 ditëve këtë ngjarje elitare sportive duke ofruar transmetimet e drejtpërdrejta të finaleve të të gjitha kompeticioneve, highlights (momentet më të mira) video-kronika si dhe artikuj, lajme dhe informim të shpejt nga gazetarët tanë.
Krejt kjo në të mirë të bashkëpunimit shumëvjeçar me Klubin e Pingpongut Priping dhe si cilësi që na karakterizon, me qenë afër sportit, ndërkombëtarizimit dhe sportistëve tanë.🇽🇰
