Luani, një polic me prejardhje nga Kosova dhe një prej humoristëve më unikë në Gjermani, po fiton zemrat e publikut me “Luans Comedy Show” – një program që garanton të qeshura “derisa të vijë policia”.
Ai jo vetëm që ndan histori gazmore nga përditshmëria e tij si oficer policie, por është bërë edhe shembull i shkëlqyer i integrimit të suksesshëm në Gjermani, shkruan albinfo.ch.
I lindur në Kosovë dhe i shpërngulur në vitet ’90 në Gjermani me familjen e tij, Luani u vendos fillimisht në Shtutgart dhe sot i shërben shtetit gjerman si polic. Rruga e tij është përshkruar si një histori frymëzuese dhe ironikisht qesharake, e cila sfidon paragjykimet dhe tregon se “të huajt nuk vijnë për të marrë, por për të dhënë – madje edhe për të mbrojtur”.
Mundesh me e lexu edhe…
Luani na tregon për babain e tij të rreptë dhe dallimet e shumta mes kulturave evropiane, shkruan regioactive.de. Ai rrëshqet në rolet e gjermanit Dirk, të kroatit Ivica dhe të shqiptarit Fatmir me një theks të përsosur, me ndihmën e të cilave arrin të nxjerrë gjithmonë histori qesharake nga rinia dhe të zgjojë kujtimet e fëmijërisë në mendjen e publikut./albinfo.ch
Përgatiti:
