Lundrimi tre-vjeçar, i cili ishte planifikuar të zhvillohej në bordin e Life at Sea Cruises, u anulua për shkak të çështjeve të sigurimit. Megjithatë, një ide e tillë nuk është braktisur, ndaj vjen pasardhësi i tij dhe do t’i çojë udhëtarët në një udhëtim edhe më të gjatë.
Villa Vie Residences, një startup afatgjatë i lundrimit, ka konfirmuar blerjen e një anijeje për lundrimin e saj trevjeçar e gjysmë rreth botës. Nisja është planifikuar për në maj 2024 dhe udhëtimi do të zgjasë deri në 1300 ditë.
Anija e re/e vjetër MS Braemar ka marrë emrin Villa Vie Odyssey. Anija është ndërtuar në vitin 1993, por është rinovuar dhe modernizuar me kalimin e viteve. Ka kapacitetin për të akomoduar 924 udhëtarë në 485 kabina dhe madhësia e tij relativisht e vogël do të thotë se mund të përshtatet pothuajse kudo.
Mundesh me e lexu edhe…
Anija do të ketë tetë kuverta, një shëtitore dhe një pishinë të madhe. Do të ketë gjithashtu tre restorante, tetë bare dhe katër sallone, si dhe një spa, palestër, bibliotekë dhe qendër mjekësore. Ajo do të ketë gjithçka që ka një anije e madhe turistike, duke ofruar vetëm një përvojë pak më intime udhëtimi.
Udhëtarët që do të nisin një lundrim 1301-ditor do të vizitojnë 147 vende dhe 425 porte. Ata do të kenë internet me shpejtësi të lartë, punëtori interaktive dhe lehtësira të tjera për t’i bërë të ndjehen si në shtëpinë e tyre. Ka edhe programe golfi simulatorë në bord dhe ekskursione që premtojnë aventura.
Qëndrimi në porte do të variojë nga dy deri në shtatë ditë. Sipas CNN, pasagjerët do të kenë mundësinë të njohin më mirë qyteteve, në vend të praktikës aktuale të qëndrimit të udhëtarëve në qytetet porte vetëm për disa orë.
Kabinat e brendshme dhe të jashtme janë në dispozicion të udhëtarëve. Të brendshmet janë 89 dollarë në ditë, dmth. 97,455 dollarë për një qëndrim trevjeçar. Të jashtmet janë 119 dollarë për person në ditë.
Ekziston edhe mundësia e blerjes së një apartamenti, d.m.th. kabina. Blerja përfshin pagesën 99,000 dollarë për pjesën e brendshme, 149,000 dollarë për pjesën e jashtme dhe 249,000 dollarë për kabinën e ballkonit. Më pas, pronarët duhet të paguajnë tarifa mujore prej 1,750 dollarë, 2,500 dollarë ose 4,000 dollarë për person./Katror.info
Përgatiti:
