Mantova ka rreth 50,000 banorë dhe është një qytet me rezidenca fisnike monumentale. Është i njohur në botë për pallatet e bukura të Rilindjes dhe gastronominë e shkëlqyer, gjë që nuk është për t’u habitur duke pasur parasysh se ndodhet në Itali. Mirëpo, sot dihet edhe për një gjë tjetër, autoritetet e qytetit ofrojnë rrogë për të gjithë personat që duan të shpërngulen në qytet.
Dëshironi të paguheni për të jetuar në një nga qytetet më të mëdha të artit të Italisë? Mantova ofron deri në 150 euro në muaj për të gjithë ata që vendosin të shpërngulen për të jetuar në këtë qytet.
Mantova ndjek shembullin e disa komuniteteve të tjera në Itali dhe stimulon banorët e rinj me kontribute financiare. Autoritetet shpresojnë se programi i ri do të ndihmojë në lehtësimin e problemit të një popullsie në plakje.
Mundesh me e lexu edhe…
Bashkia e qytetit ka gjithsej 400 mijë euro për këtë iniciativë, nga të cilat 200 mijë euro do të shpërndahen këtë vit dhe 200 mijë euro të tjera në vitin 2024. Paratë do të përdoren për kontributet e qirasë për të gjithë banorët e rinj, të cilët do të marrin 150 euro në muaj. Autoritetet thanë se do të pranojnë nga 100 aplikime në vit për këto mjete të pakthyeshme për banorët e rinjë, shkruan Katror.info.
Për të pasur të drejtën e ndihmës financiare, të interesuarit duhet të nënshkruajnë një kontratë qiraje për të paktën një vit. Programi është i hapur si për familjet ashtu edhe për individët.
Duhet theksuar se në vitin 2017 Mantova u shpall Kryeqyteti Evropian i Gastronomisë. Pjatat më të famshme janë tortelli di zucca, makarona të mbushura me kunguj, parmixhan, arrëmyshk dhe biskota amaretti.Përveç kësaj, ka edhe një tjetër pjatë të njohur me makarona, bigoli con le sardelle, spageti me qepë, hudhër dhe salcë sardele. /Katror.info
Përgatiti:
