Qeveria e Kosovës të mërkurën ka miratuar në parim nismën për lidhjen e një marrëveshjeje kornizë për bashkëpunim në fushën e mbrojtjes mes Kosovës dhe Shteteve të Bashkuara.
Ministri i Mbrojtjes, Ejup Maqedonci në një konferencë për media pas mbledhjes së Qeverisë ka ndarë detaje nga kjo marrëveshje me ShBA-të, shkruan Telegrafi.
Ai ka thënë se për përmbajtjen e kësaj marrëveshje janë darkodruar gjatë vizitës së tij që ka pasur në ShBA më saktësisht në Departamentin e Mbrojtjes në janar të këtij viti.
Mundesh me e lexu edhe…
“Marrëveshje tejet e rëndësishme, e dyta e tillë pas asaj që nënshkruam me Republikën e Turqisë vitin e kaluar. Kjo marrëveshje parasheh thellim dhe zgjerim të bashkëpunimit dhe fuqizim në fushën e mbrojtjes me ShBA-të në shumë fusha të mbrojtjes siç është bashkëpunimi në industrinë e mbrojtjes”, tha Maqedonci.
Maqedonci theksoi se përmes kësaj marrëveshje ShBA-të do të mbështesin anëtarësimin e Kosovës në NATO.
“ShBA-të janë zotuar përmes kësaj marrëveshje që do të mbështesin në aspektin Teknik, procedural dhe aspekte tjera Kosovën drejt anëtarësimit në NATO dhe në iniciativat regjionale”, tha Maqedonci.
Ministri theksoi se janë pesë pika kryesore për të cilat janë dakorduar që të bashkëpunojmë bashkë me ShBA-të./Katror.info
Përgatiti:
