Nga data 11 deri më 14 maj 2023 në Cyrih në kinemanë Riffraff mbahet edicioni i radhës i festivalit të filmit “Kino Kosova”. Në festival shfaqen mbi 20 filma nga Kosova dhe diaspora, shkruan albinfo.ch.
Si kulminacion muzikor i festivalit, artistja e re kosovare Edona Vatoci do të mbajë një koncert në klubin “Helsinki” në Cyrih.
“Kino Kosova” shfaq filma të shkurtër, dokumentarë, artistikë dhe të animuar, që janë realizuar nga kineastët e vlerësuar me çmime ashtu sikurse dhe nga talentet e reja. Në mesin e kineastëve, filmat e të cilëve do të shfaqen këtu, janë edhe regjisorë nga Zvicra.
Mundesh me e lexu edhe…
Filmat trajtojnë protestat kundër luftës në vitet 1990, duke trajtuar krimet e luftës. Pastaj trajtohen histori feministesh dhe aktivistësh gjinorë sot si dhe historitë e atyre që janë larguar nga Kosova në kërkim të një të ardhmeje më të mirë – gjithashtu edhe në Zvicër.
Në Q&A diskutojmë këto histori me kineastët, përfshirë bashkëbisedimin për punën e tyre, shpresat, betejat dhe gjithashtu marrëdhëniet me diasporën dhe “atdhetë endryshëm”. Debati për heqjen e detyrimit të vizave për Kosovën në zonën Shengen është aktual pikërisht tani.
Pavarësisht çdo gjëje, mes Kosovës dhe Zvicrës ekziston një lidhje e veçantë. Këtu jetojnë mbi 250 mijë shqiptarë.
Zviceranët, zakonisht e dinë se shumë shqiptarë shkojnë në Kosovë gjatë pushimeve verore. Megjithatë, në këtë vend dihet pak për skenën kulturore të Kosovës. Madje as vetë diaspora nuk bie në kontakt me disa nga faqet e jetës në Kosovë. Ne duam ta ndryshojmë atë.
Me Kino Kosovën, ne po krijojmë gjithashtu një hapësirë në të cilën publiku, kineastët dhe artistët e tjerë mund të takohen dhe shkëmbejnë ide mes vete, thotë organizatori për albinfo.ch
Kino Kosova zhvillohet për herë të tretë këtë vit. Përveç Cyrihut, Berna është një tjetër vend ku mbahet festivali, çdo vjeshtë.
“Unë, Sabahet Meta, drejtor i festivalit të Kino Kosovës, vij vetë nga Kosova. Sot jetoj dhe punoj në Bernë. Kam qenë i përfshirë në jetën kulturore dhe jetën e natës në Prishtinë ndërsa, që nga fëmijëria e kam njohur festivalin e filmit dokumentar tashmë me famë botërore “Dokufest” të Prizrenit”, shprehet Meta në njoftimin për organizimin e festivalit, shkruan albinfo.ch.
“Kam ardhur në Zvicër 10 vjet më parë – dhe kam ndjerë një boshllëk. Edhe pse shumë shqiptarë jetojnë në Zvicër, më ka munguar një vend për reflektim të përbashkët për marrëdhëniet mes Kosovës dhe Zvicrës. Kam dashur të bëj bashkë artistë nga të dyja vendet dhe të sjell më shumë kulturë nga Kosova në Zvicër, veçanërisht kulturën bashkëkohore.
Sot në ekipin prej 5 vetash në Kino Kosova është edhe regjisori zvicerano-kosovar Ilir Hasanaj, dokumentarët e të cilit shfaqen dhe shpërblehen në festivale ndërkombëtare. Ndër të tjera ai kuron programin për Kino Kosovën./Katror.info
Përgatiti:
