Ministria e Bujqësisë, Pylltarisë dhe Zhvillimit Rural dhe GIZ Kosova, kanë mbajtur sesion informues rreth skemës së granteve me fermerë, përfaqësues nga bujqësia dhe turizmi në komunën e Prizrenit, raporton Ekonomia Online.
Kjo skemë e granteve, e cila është mundësuar në bashkëpunim me qeverinë gjermane dhe ministrinë e Bujqësisë, do të jetë në vlerën e mbi 21 milionë eurove dhe do të jetë i ndarë në tre lote e që do të jetë për zhvillimin e agroturzimit, zhvillimit rural dhe eko-turizimit.
Sekretarja e Përgjithshme e Ministrit së Bujqësisë, Venera Çerkini, ka thënë se ky bashkëpunim ka rezultuar më marrëveshje ndërkombëtare e cila u aprovua në Kuvendin e Republikës së Kosovës dhe që përfshihen 21 milionë euro dhe që sipas saj ka për qëllim mbështetjen financiare.
Mundesh me e lexu edhe...
Tutje Çerkini tha se kjo ka një zgjatje të afatit deri në vitin 2028.
“Kjo nismë nga Ministria e Bujqësisë, Pylltarisë dhe Zhvillimit Rural krijon procesimin dhe sektorin zhvillimin dhe qëndrueshmërisë brenda sektorit bujqësor, bashkëpunimi ka rezultuar me marrëveshjet ndërkombëtare e cila është aprovuar në Kuvendin e Republikës së Kosovës dhe përfshihen në 21 milionë euro, dhe ka për qëllim mbështetjen financiare dhe më e rëndësishmja është që ka për qëllim mbështetjen në skemën e grandit për të krijuar dhe destinuar identifikimin e aktiviteteve bujqësore. Përafërsisht dy të tretat e buxhetit tonë po identifikohen në rrugëtimin e kapaciteteve në ndërtimin e kapaciteteve dhe trajnimeve duke siguruar që individët dhe bizneset të pajisen me aftësi adekuate për aplikim dhe implementim të projekteve si përfitues potencial të grandeve brenda skemës. Pjesa tjetër e buxhetit natyrisht do të ndahet specifikisht për grande me mbështetje financiare që do të lehtësojnë investimet. Përkatësisht marrëveshja është për vitin 2024-2027 që ka një zgjatje të afatit deri në vitin 2028”, ka thënë ajo.
Edmond Gashi, Udhëheqës i Projektit në projektin për Promovimin e Ndërmarrësisë/GIZ Kosovo, falënderoi Ministrin Peci dhe bashkëpunëtorë të tjerë për punën që e kanë bërë deri më tani.
“Sot jemi mbledhur këtu dhe është për shkak se është sesioni i dytë me radhë për skemën e grandeve për sektorin e zhvillimit rural në Kosovë, meqë këtu e kemi kryesorin, Shpresim Domin i cili do ta bëjë prezantimin e granteve, por dua ta bëjë një falënderim për Ministrin Peci, Venerën dhe kolegët tjerë për punën që kanë bërë”, ka thënë ai.
Shpresim Domi, profesor nga Universitetin e Tiranës, prezentoj para të interesuarve projektin dhe kriteret që at duhet ti plotësojn për të aplikuar për te përfituar nga ky projekt.
Prezantimi i Skemës së Granteve 2024-2027 u bë nga Shpresim Domi i cili tha se kjo skemë përbehet nga tre lote duke treguar edhe shumat që ndahen për secilin lot.
“Skema e grantëve është ndërtuar bazuar në tri lote. Loti 1 maksimum i mbështetjes është 5000 euro, minimumi është 1500 euro e projektit. Pra projekti varion mes 1500 euro deri 5000 euro, 100 për qind mbështet subjekt aplikantin më këtë rast. Në lotin 2 mbështetja që ofrohet është 70 për qind e vlerës së projektit që ju do të propozoni për investim që do të bëni, minimumi i mbështetjes që merrni është 5000 deri në 50 mijë euro. Në lotin e 3 vlera e mbështetjes varion nga 50 mijë deri në 350 mijë euro, mbështetja e ofruar nga skema është 60 për qind e vlerës së projektit që do të propozoni për të bërë investimin”, ka thënë ai./Katror.info
Përgatiti:
