Në selinë qendrore të Lëvizjes Vetëvendosje, nga ora 12:00 pritet të mblidhet Sekretariati i partisë në lidhje me mandatarin e dytë, një ditë para se të skadojë afati 10-ditor për të dytin.
Anëtarët e kësaj partie nuk kanë pranuar të japin detaje para mbledhjes se kush është mandatari i propozuar.
Albulena Haxhiu, tha shkurtimisht se do të flasin “Pas mbledhjes.”
Mundesh me e lexu edhe…
Mefail Bajqinovci, në selinë e Lëvizjes Vetëvendosje, ku po mblidhet Këshilli i Përgjithshëm, në pyetjen nëse ka diçka të re, tha shkurtimisht se “Do ta shihni në vazhdim”.
Ai nuk u përgjigj në pyetjen se kush do të jetë mandatar për Kryeministër dhe nëse VV i ka numrat.
Zëvendëskryeministrja dhe njëra nga kryetaret e GUXO-s, Donika Gërvalla nuk dha koment për çështjen, por kërkoi që të pritet fundi i takimit.
“Shumë shpejtë do merrni vesh për mandatarin dhe zhvillimet tjera. Me rëndësi është që VV po bën gjithçka për të formuar institucionet” – tha Arbërie Nagavci.
Edhe Ejup Mqedonci deklaroi: “Pas mbledhjes, besoj se do të njoftoheni.
Ndërsa Kadri Rahimaj u shpreh: “Është e ditur kush është kandidati ynë për Kryeministër.”
Halil Thaçi, i pyetur se kë po propozojnë për Kryeministër, tha: “Më e rëndësi është që Fushë Kosovën, Obiliqin dhe Prishtinën t’i fitojmë në zgjedhjet lokale.”
Kosova tashmë ka më shumë se tetë muaj pa institucione të reja.
Mandatari i parë për Qeverinë, Albin Kurti ka dështuar t’i marrë votat e nevojshme në Kuvendin e Kosovës për formimin e Qeverisë “Kurti 3”.
Për kanë votuar vetëm 56 deputetë, partitë e ish-opozitës kanë votuar kundër dhe katër vota kanë qenë abstenim.
Tash, presidentja Vjosa Osmani, nga afati 10 ditësh, i kanë mbetur vetëm edhe një ditë të vendosë se kujt do t’ia jap mandatin për formimin e Qeverisë, sipas procedurës së njëjtë. /Kallxo.com/Katror.info
