Princesha e pop-it, Dua Lipa është më e pasur se shumica e mbretërve.
Këngëtarja e lindur në Londër, 28 vjeçe, ka rritur pasurinë e saj me 154,000 funte (177 mijë euro) në javë vitin e kaluar – nga disa investime të tjera mendjemprehta si dhe turneu i saj muzikor.
Asetet neto në kompaninë e saj të ‘krijimit artistik’, Radical 22 Ltd, arritën pothuajse 30 milionë funte (34.6 milionë euro), nga 21,7 milionë funte (25 milionë euro) në 2021, sipas llogarive të publikuara këtë javë, shkruan DailyMail.
Mundesh me e lexu edhe...
Por nuk ishin vetëm paratë nga turneu i saj “Future Nostalgia” që e ndihmuan pasurinë e saj.
Ajo gjithashtu pa vlerën e portofolit të saj të aksioneve të rritet nga 3 milionë funte (3.4 milionë euro) në 13 milionë (14.9 milionë euro) dhe bleu një pronë investimi inteligjente pranë Stacionit St Pancras për 1.5 milion funte (1.7 milionë euro).
Kompania, e cila deri vitin e kaluar quhej Dua Lipa Ltd, por u ndryshua në Radical 22, kanalizon fitimet nga honoraret, shfaqjet live dhe investimet.
Turneu i saj me 91 koncerte u zhvillua nga shkurti deri në nëntor të vitit të kaluar dhe fitoi më shumë se 83 milionë funte (95.7 milionë euro) dhe u përcoll nga më shumë se 1.3 milionë fansa.
Këngëtarja e “New Rules” do të publikojë albumin e saj të tretë në studio në fillim të vitit të ardhshëm – dhe ka të ngjarë të shohë pasurinë e saj të rritet më tej. /Katror.info
Përgatiti:
