Të hënën mbrëma është hapur Qendra e Kulturës “Rexhep Mitrovica” në Mitrovicë dhe salla e teatrit “Muharrem Qena”, pas restaurimit. Kjo është bërë e ditur përmes një njoftimi në faqen zyrtare të Qendrës së Kulturës ‘’Rexhep Mitrovica’’.
“Sonte rihapëm Qendrën e Kulturës për të vazhduar me aktivitete kulturore,” thuhet në njoftim.
Pas renovimit, kjo hapësirë është transformuar në një simbol të vlerave kulturore dhe artistike të këtij qyteti.
Mundesh me e lexu edhe…
Në këtë ngjarje kulturore ishin të pranishëm figura të njohura politike, kulturore e artistike, si, Bedri Hamza, Bislim Bislimi, Fehmi Ferati, Fisnik Ademi, si dhe kishte interesim të madh të qytetarëve.
Në hapjen solemne u shënua gjithashtu fillimi i edicionit të 14-të të festivalit tradicional të komedisë “Mittrix Fest”.
Për gjatë gjashtë ditëve do të ketë shfaqje, në kuadër të edicionit të 14-të, të festivalit tradicional të komedisë.
Mbrëmë, si pjesë e të këtij festivali u luajt shfaqja e teatrit të Mitrovicës “Një vrasje e vogël aksidentale”, ndërsa sonte do të luhet shfaqja artstike, ‘’ADN’’ nga Teatri Shqiptar i Shkupit.
Më 4 dhjetor do të luhet shfaqja “Qeni i Baskërvilëve” nga Teatri AAB “Faruk Begolli”.
Më 5 dhjetor, Teatri i Gjilanit do të sjellë shfaqjen “Togeri nga Inishmori”, ndërsa më 6 dhjetor, Teatri “Petro Marko” në Vlorë do të prezantojë komedinë “Natën e mirë me burrin tim”.
Në natën përmbyllëse të festivalit, do të shfaqet “Ping-pong dhe dashuri” nga Teatri “Bekim Fehmiu” në Prizren.
Të gjitha shfaqjet do të nisin në orën 19:00. /Katror.info
Përgatiti:
