Koreja e Jugut është bërë vendi më i fundit që ndalon përdorimin e smartphone-ve në shkolla, në përpjekje për të mbrojtur shëndetin mendor të të rinjve dhe për të përmirësuar performancën akademike.
Vendimi u mor këtë javë pas miratimit të një projektligji nga qeveria koreane, duke ndaluar përdorimin e pajisjeve në ambientet shkollore.
Ky hap vjen pasi studimet e fundit nga Holanda sugjerojnë se ndalimi i telefonave ka ndikuar pozitivisht te nxënësit – duke i bërë ata më shoqërorë, më të përqendruar dhe me rezultate më të mira në mësime, shkruan Positive News, përcjell Katror.info.
Mundesh me e lexu edhe…
Edhe pse disa kritikë pretendojnë se këto ndalesa nuk adresojnë shkakun rrënjësor të varësisë nga telefonat, lista e vendeve që po e zbatojnë këtë masë po rritet dita-ditës. Ndër to janë edhe Franca, Finlanda dhe Kina, që tashmë kanë ndërmarrë hapa konkretë për të kufizuar përdorimin e teknologjisë në shkolla.
Në Mbretërinë e Bashkuar, nuk ka ende një ndalim kombëtar, por shumë shkolla kanë vendosur të mos i lejojnë telefonat, të nxitura edhe nga lëvizja në rritje “Smartphone Free Childhood”./Katror.info
