Projekti për transformimin e piramidës në qendrën më të madhe të informacionit në rajon, ka tërhequr vëmendjen e mediave më të mëdha botërore. Krahas atyre europiane dhe amerikane, sëfundmi edhe Strait Times, një ndër gazetat më të mëdha në Singapor i ka bërë jehonë ndryshimeve pozitive në Tiranë.
Strait Times shkruan se ish-muzeu, i ridizenjuar nga arkitekti holandez Wini Maas, është duke u përgatitur për të pritur qindra të rinj shqiptarë të interesuar për trajnim në teknologjinë kompjuterike dhe kodim – si pjesë e përpjekjeve të qeverisë për një lidhje më të ngushtë me Bashkimin Europian.
Një muze i ndërtuar në Tiranë, Shqipëri, në vitet 1980-të është duke u transformuar në qendër trajnimi kompjuterik për të rinjtë, duke fshirë një gjurmë të së shkuarës shtypëse të vendit.
Mundesh me e lexu edhe…
Arkitektët projektues, e dizenjuan ndërtesën në formën e Piramidës, duke glorifikuar liderin sipas stilit të Faraonëve të Egjiptit. Muzeu përfundoi ndërtimin në vitin 1988.
Perimetri i jashtëm i rinovuar, konsiston në shkallare ku qytetarët mund të ngjiten që të kenë një pamje panoramike të kryeqytetit modern dhe plot gjallëri. Brendia kubike, veçon ato që duken si sete kontejnerësh të ngecur, të cilat do të shërbejnë si klasa mësimore, duke u ngritur disa kate mbi kupolën e qelqtë fillestare.
Shqiptarët për vite ishin të ndarë në mendime sesi ta përshtatnin ndërtesën – ata që vuajtën nën regjimin shtypës kërkuan që monumenti të rrafshohej, ndërsa të tjerë donin ta ruanin atë si një ikonë arkitekturore./Katror.info
Përgatiti:
