Një nga influencueset më të paguara në botë mund të jetë Meghan Markle, sipas ekspertëve, pasi ajo pritet të bëhet imazhi i ri i shtëpisë franceze të modës Dior.
Në fillim të javës Dukesha e Sussex- it dhe bashkëshorti i saj Princi Harry humbën një marrëveshje miliona dollarësh, pasi Spotify i njoftoi se nuk do të rinovonin Archetypes-in e tyre të podcast-it për një sezon të dytë pas një vendimi “të ndërsjellë”.
Megjithatë, Meghan Markle mund ta përballojë këtë humbje pasi një burim i afërt me çiftin i tha Daily Mail se nëse marrëveshjet e lidhura me markat ndërpriten, ata mund të përfitojnë “qindra miliona dollarë” dëmshpërblim, përcjell abcnews.al.
Mundesh me e lexu edhe…
Prandaj, Nick Ede i tha MailOnline se “Meghan Markle mund të bëhet një nga ndikueset më të mëdha në botë” dhe “mund të bëjë miliona” duke u bërë fytyra e Dior.
Në të njëjtën kohë, ai shtoi se ajo ende mund të konkurrojë me marrëveshjen që Kim Kardashian ka me Dolce & Gabanna, e cila u pagua 47 milionë dollarë për të veshur rrobat e firmës në ditën e saj të dasmës.
Dukesha vihet re të jetë miqësuar me specialisten e marketingut Victoria Jackson, e cila qëndron pas një prej perandorive të para të make-up-it televiziv.
“Meghan dhe Victoria janë shumë të afërta. Nëse dikush mund ta ndihmojë Meghan-in të zhvillojë një markë për kujdesin e lëkurës ose kozmetikë, janë Victoria dhe Bill ”, tha një burim.
Në të njëjtën kohë, ka disa raporte se Meghan Markle së shpejti mund të rikthejë blogun e saj të mirëqenies dhe stilit të jetesës, The Tig, në një përpjekje për të konkurruar me faqen e internetit Goop të Gwyneth Paltrow, e cila thuhet se vlen 200 milionë funte.
Ajo së fundmi rinovoi markën e saj tregtare e cila u lançua në vitin 2014, por u mbyll në vitin 2017 pasi u fejua me Princin Harry. /Katror.info
Përgatiti:
