Brezi Z është një brez, që i dëshiron gjërat menjëherë – ushqim, dopaminë, shpërblime, e thënë shkurt, gjithçka.
Sjellja e menaxherëve të brezit Z për punën është e rrënjosur në respekt.
Raven Baker, 28 vjeç, drejtuesja për mediat sociale dhe komunitetin, në agjencinë krijuese Adolescent Content, është një shembull i një drejtueseje të brezit Z, e cili po vendos një standard të ri për produktivitetin, duke i dhënë përparësi shëndetit mendor të ekipit të saj dhe ekuilibrit punë-jetë.
Mundesh me e lexu edhe...
Menaxherët e rinj duket se janë të prirur të dëgjojnë nga punonjësit e tyre dhe të bëjnë ndryshime.
Në zemër të shqetësimeve të tyre kryesore është dëshira për të përmirësuar vendin e punës, për ata që hyjnë në të dhe për t’i dhënë fund një cikli negativ kritikash në punë.
Përfundimi i cikleve të këqija të punës
“Unë kurrë nuk dua të jem ai lloj drejtuesi, që është katalizatori për monologun e brendshëm të dikujt, që kalon nga ‘Unë jam i aftë, kam ide të shkëlqyera’ në ‘A jam i aftë? A jam mjaftueshëm i zoti?’”, thotë Baker.
“Unë gjithmonë do të mbaj një mjedis, ku hierarkia nuk justifikon mosrespektimin verbal.”
Shëndeti mendor është parësor
Oliver Hodgson, tani 20 vjeç, e la shkollën në moshën 16-vjeçare dhe themeloi kompaninë e tij të komunikimit krijues, Platinum Live.
Në fillim të karrierës së tij, Hodgson mësoi se të gjithë janë të ndryshëm dhe ai vazhdimisht mëson nga punonjësit e tij – shumica e të cilëve janë më të vjetër se ai.
Prioriteti më i madh për Hodgson është shëndeti mendor i punonjësve të tij.
Kompania inkurajon stafin, që të marrë ditë pushime për shëndetin mendor kur kanë nevojë për to dhe promovon një kulturë të “dialogut të hapur”, në mënyrë që njerëzit të ndjejnë, se mund të flasin për betejat dhe mirëqenien e tyre.
“Unë nuk dua, që njerëzit të vijnë në punë dhe të presin me padurim orën 16:00 kur të largohen,” tha Hodgson.
“Unë dua të nxis një mjedis, ku të gjithë shkëlqejnë, dhe ne jo vetëm shkëlqejmë dhe ofrojmë për klientët, por përmirësojmë aftësitë dhe kujdesemi për veten.”
Standarde të larta dhe mirëqenie
Sam Winsbury, 24 vjeç, themeloi agjencinë së tij për krijimin e markave Kurogo, në vitin 2020, dhe e ka rritur me shpejtësi kompaninë në 19 punonjës.
Ashtu si Hodgson, Winsbury nuk ka punuar kurrë për askënd tjetër dhe as që ka qenë në një intervistë pune.
Në vend të kësaj, ai tha se mëson nga miqtë për punëdhënësit e tyre dhe gjithashtu merr këshilla nga anëtarët e ekipit të tij.
Winsbury tha se ai ka “standarde të larta” në lidhje me mirëqenien e punonjësve të tij. Ai nuk pret, që ata t’u përgjigjen klientëve jashtë orarit të punës dhe kompania ka një politikë fleksibël, kështu që stafi mund të fillojë punën më herët dhe të përfundojë më shpejt, nëse dëshiron./Shqip.al
Përgatiti:
