Atasheu i Mbrojtjes dhe Zëvendës Shefi për Çështje Publike i Ambasadës së SHBA-së vizituan së fundmi bursistin e Fulbright, Chad Austin, nga Akademia e Forcave Ajrore të SHBA-së, i cili aktualisht është i angazhuar pranë Forcës së Sigurisë së Kosovës, ka njoftuar Ambasada Amerikane në Prishtinë.
“Prej tre muajsh, Austin ka trajnuar kadetët e Akademisë së Mbrojtjes së Kosovës në lidership ushtarak dhe aftësi negocimi. Javën e kaluar, ai udhëhoqi ekipin kosovar drejt një fitoreje me medalje të artë në debutimin e tyre në Garën e 23-të Ndërkombëtare të Ligjit Humanitar në San Remo, Itali. Programet Fulbright me fokus në siguri kontribuojnë në forcimin e stabilitetit rajonal dhe thellojnë partneritetin e sigurisë SHBA-Kosovë,” thuhet në njoftim.
Instituti Ndërkombëtar i Ligjit Humanitar (IIHL) është një organizatë e pavarur që promovon ligjin ndërkombëtar humanitar, të drejtat e njeriut dhe ligjin e refugjatëve, duke ofruar kurse dhe konferenca për profesionistë ushtarakë, diplomatë dhe juristë.
Mundesh me e lexu edhe…
Çdo vit, IIHL organizon një garë të veçantë për akademitë ushtarake nga mbarë bota, ku kadetët mësojnë dhe zbatojnë Ligjin e Konfliktit të Armatosur në skenarë të simuluar ushtarakë.
Pjesëmarrja realizohet me ekipe të përbëra nga tre kadetë dhe një lider ekipi.
Këtë vit, për herë të parë që merr pjesë në këtë garë, Qendra për Studime Universitare arriti të sigurojë medaljen e artë – duke dëshmuar avancimin që kjo qendër po arrin në përgatitjen e kadetëve të saj./Katror.info
Përgatiti:
