Daimler zbuloi të martën “kamionin e së ardhmes”, Mercedes eActros 600 elektrik me një distancë prej 500 kilometrash, i cili beson se do të fillojë menjëherë të zëvendësojë flotat me naftë në Evropë dhe në botë.
Fabrika do të fillojë të marrë porosi këtë vit, dhe prodhimi serik do të fillojë në fund të vitit të ardhshëm, njoftoi kompania në prezantimin e kamionit në autostradën afër Egestorf në Saksoninë e Ulët. Një bateri me kapacitet mbi 600 kWh mundëson autonomi të madhe!
Kamionët elektrikë mund të zëvendësojnë shumicën e kamionëve me naftë në afat të gjatë, sipas Daimler. Afati i zëvendësimit, natyrisht, varet nga kostot në vende të ndryshme, përfshirë çmimin e energjisë elektrike dhe të naftës.
Mundesh me e lexu edhe…
Të dhënat e sakta për çmimin e eActros, megjithatë, ende nuk janë bërë të ditura nga Daimler.
Karin Radström nga bordi drejtues i Daimler Trucks tha për dpa se për shkak të llogaritjes ekonomike, që në vitin 2030, tre nga pesë kamionë të rinj në shitje mund të jenë elektrikë.
Sipas saj, ndërtimi i infrastrukturës së nevojshme është një sfidë më e madhe se zhvillimi i automjeteve elektrike të mallrave dhe nga kjo do të varet shpejtësia e elektrifikimit në sektorin e transportit.
Siç u tha, automjeti është projektuar teknikisht për një masë totale të kombinuar deri në 44 tonë, e cila përfshin masën e baterive, automjetit dhe rimorkios. Megjithatë, kur një rimorkio standarde është ngjitur në kamion, ajo mund të mbajë deri në 22 tonë ngarkesë./Katror.info
Përgatiti:
