Mesfushori shqiptar, Jasir Asani me karrierë në Korenë e Jugut

Mesfushori shqiptar, Jasir Asani, ka zgjedhur të vijojë karrierën në Korenë e Jugut me Gwangju FC, divizioni i dytë i futbollit në Kore.

27 vjeçari lë kështu Kisvardën pas një sezoni e gjysmë dhe nga Hungaria bën lëvizjen e papritur për në Azinë e largët.

Ish-futbollisti i Partizanit të Tiranës e ka bërë një lëvizje të papritur pasi që kishte edhe disa oferta nuk skuadra evropiane.

Shqiptari nga Maqedonia e Veriut e ka dhënë një intervistë për Shqip.com.

“Normalisht që kisha edhe oferta tjera, por ky ekipi që jam transferuar ishte me këmbëngulësi, më dëshironin me çdo kusht. Dhe ishte momenti më i mirë që unë tani të lëvizja nga Hungaria në Kore. Të shohim, shpresoj të shkon gjithçka mirë”, ka deklaruar Jasir Asani të enjten për Shqip.com.

Ai premton se do ta jap maksimumin në ekipin e ri.

“Si gjithmonë do të mundohem që ta jap më të mirën time në arritjen e synimeve që ka skuadra. Besoj se do të përshtatëm shpejt dhe nuk do të përballem me lëndime”, theksoi Asani.

Kujtojmë se Asani ka qenë pjesë e U-21 të Shqipërisë ndërsa ende pret një ftesë nga ekipi A.

Asani gjithashtu ka luajtur edhe për Maqedoninë e Veriut.

“Mendoj se transferimi im në Korenë e Jugut, nuk do të ketë lidhje për kombëtaren. Mendoj se nëse e meritoj ftesën, nuk ka shumë rëndësi se ku luajë apo çfarë skuadre është. Besoj se një ditë kombëtarja do të vjen shumë shpejtë për mua, shpresoj shumë”, vlerësoi Jasir Asani.

Krahas Partizanit dhe Kisvardën, në karrierën e tij ka luajtur edhe në Vardar, Shkupi, Pobeda, AIK./Katror.info