Certifikimi i pajisjeve të telefonit të ardhshëm të mençur të kompanisë koreane Samsung, ka nxjerrë në pah detaje deri më tani të padëgjuara për modelin Galaxy S23 Ultra, siç janë ekrani i telefonit, procesori, kamerat dhe kapaciteti i baterisë.
Ekrani i Galaxy S23 Ultra (SM-G9180) ka një diagonale prej 6,8 inç dhe ka një rezolucion QHD+ (3,088×1,440 piksel), raporton Sam Mobile.
Pajisja ka lidhje 4G LTE dhe 5G, kurse procesori do të jetë tetë bërthamësh i ndarë në tri pjesë, një që funksionon me 3.36 GHz dhe dy të tjerët që funksionojnë në 2.8 GHz dhe 2 GHz.
Mundesh me e lexu edhe…
Do të ketë versionin më të shpejtë – Snapdragon 8 të gjeneratës 2 versioni AC, me një shpejtësi më të lartë sesa Snapdragon 8 Gen 2 (versioni AB).
Galaxy S23 Ultra do të vjen me disa modele të memories dhe hapësirës së brendshme si; 8GB/12GB RAM dhe 256GB/512GB/1TB memorie.
Galaxy S23 Ultra pritet të ketë katër kamera të pasme: kryesorja me 200 megapiksel, një kamerë ultra të gjerë me 12 megapiksel, një tjetër telefoto me 10 megapiksel me tri herë zmadhim optik dhe një telefoto 10 MP me 10 herë zmadhim optik.
Sidoqoftë, dokumentet e certifikimit pretendojnë se ka kamera telefoto 12 MP, me gjasë sepse Samsung përmirëson imazhet nga sensorët e tij 10 MP në rezolucion 12 MP për qëndrueshmëri.
Dokumenti zbulon gjithashtu se telefoni i ardhshëm i nivelit të lartë të Samsung ka Bluetooth, USB, xhirosensor, sensor afërsie, sensor drite, lexues të gjurmëve të gishtave nën ekran dhe njohje të fytyrës.
Përmasat e tij pritet të jenë 163.4×78.1×8.9 mm dhe me peshë prej 233 gramë.
S23 Ultra, gjithashtu përmban një bateri 4,855 mAh, e cila do të tregtohet si një bateri 5,000 mAh./Katror.info
Përgatiti:
