Ylli i grupit të muzikës “The Rolling Stones”, Mick Jagger, i cili është baba i tetë fëmijëve ka thënë se të kesh fëmijë është qejf.
Jagger i cili në vitin 2016 ka mirëpritur fëmijën e tij të tetë, djalin Deveraux, me të dashurën e tij Melanie Hamrick, ka pohuar se tani po ndihet më i relaksuar ndaj rritjes së fëmijëve. Në kohën kur i ka lindur fëmija i fundit ai ka qenë 70-vjeçar, raporton FemaleFirst.
Rokeri në një intervistë për “The Guardian” rreth fëmijëve, ka thënë se të rrisësh fëmijë, nuk është sikur të ngasësh një biçikletë. Ai ka thënë se sa më shumë fëmijë që ke aq më shumë përvojë do të kesh për t’i rritur.
Mundesh me e lexu edhe…
“Është kënaqësi të kesh fëmijë në çdo moshë”, ka thënë Jagger.
Megjithatë ai ka pranuar se nuk ishte gjithmonë prezent për t’i parë fëmijët e tij teksa rriteshin, për shkak se kishte obligime të mëdha bashkë me grupin “Rolling Stones”.
Ai ka thënë se pati mundësi të kalonte dy vjet me djalin e tij Deveraux gjatë izolimit të pandemisë COVID-19 pasi u ndalën koncertet.
“Kur jemi duke punuar nuk është se e shijojmë shumë kohën me fëmijët”, ka shtuar Jagger.
Ai gjithashtu ka thënë se me gruan e tij kanë shumë qejf të udhëtojnë dhe do të vizitojnë botën bashkë me djalin e tyre./Katror.info
Përgatiti:
