Në një javë veçanërisht të trazuar me ngjarjet globale, zgjedhja e ‘mirësia’ si fjala e vitit 2024 për fëmijët nga Oxford ofron një kujtesë për shpresën që mbajmë për gjeneratat më të reja.
Më shumë se 6,000 fëmijë, të moshës midis 6 dhe 14 vjeç, u pyetën të zgjidhnin fjalën që ata mendonin se përmbledh më së miri vitin 2024, si pjesë e një hulumtimi të kryer nga Oxford University Press (OUP).
Sipas mësuesve, zgjedhja e “mirësisë”, e cila u përzgjodh nga 61% e fëmijëve të pyetur, pasqyron një rritje të vetëdijes së të rinjve për ndikimin e shëndetit mendor dhe rolin që mirësia mund të ketë në përmirësimin e mirëqenies mendore, shkruan Positive News, përcjell Katror.info.
Mundesh me e lexu edhe...
Referenca të shumta për dhunën globale dhe konfliktet aktuale theksuan sa të ndjeshëm janë fëmijët ndaj ngjarjeve të tanishme, thonë organizatorët e sondazhit, me fjalë si “nevojë” dhe “duhet” që përdoren shpesh në përgjigjet e tyre.
“Është shumë inkurajuese që mirësia u zgjodh nga një shumicë e konsiderueshme si, ‘Fjala e Vitit për Fëmijë ” nga Oxford, tha Andrea Quincey, drejtoreshë e botimeve për fëmijët dhe shkollat fillore në OUP.
“E dimë nga vitet e kaluara që të rinjtë janë shumë të vetëdijshëm për problemet e mëdha që mund të na ndajnë si shoqëri dhe janë të ndjeshëm ndaj rolit të rëndësishëm që gjuha mund të luajë në bashkimin e njerëzve”, shtoi ajo.
Një fëmijë tha: “Çdo person që takon është duke luftuar një betejë që ne nuk e dimë. Duhet t’i trajtojmë të gjithë me mirësi. Asnjëherë nuk e di se sa mund të ndihmojë dikë.”
“Na tregon se empatia, toleranca dhe gjuha që përdorim kanë rëndësi, dhe se mirësia nuk është vetëm një zgjidhje për shumë probleme, por është diçka që mund ta bëjë çdo njeri dhe kushdo për të bërë një ndryshim,” shtoi Quincey.
Në vendin e dytë erdhi “inteligjenca artificiale”, e cila u zgjodh nga 25% e fëmijëve si fjala e tyre kryesore për 2024. “Sepse mendoj që bota është një vend më i mirë me IA-në, për aq kohë sa ato nuk e marrin përsipër jetën tonë,” tha një pjesëmarrës për zgjedhjen e tij ose saj.
Shtatë për qind e fëmijëve zgjodhën “konfliktin”, ku një fëmijë tha: “Shumë fëmijë si unë e kam përjetuar konfliktin në jetën tonë personale, në familje, miqësi.”
“Na tregon se empatia, toleranca dhe gjuha që përdorim kanë rëndësi, dhe se mirësia është diçka që mund ta bëjë çdo njeri dhe kushdo për të bërë një ndryshim.”
“Slay” fitoi titullin e fjalës më të përdorur të vitit, që u citua si një shprehje mbështetjeje dhe miratimi.
“Kur miku im më tregoi fustanin e saj të ri, i thashë: ‘Ti je super në atë fustan!’ Është fjala ime për t’i bërë njerëzit të ndihen të mrekullueshëm,” tha një fëmijë.
Kjo u pasua ngusht nga “sigma” dhe “skibidi”, të cilat OUP thekson se pasqyrojnë rolin e mediave sociale në formimin e përdorimit të gjuhës nga gjenerata e ardhshme. “Kur diçka shkon keq, unë them: ‘Çfarë skibidi?’” shpjegoi një fëmijë.
Për më shumë se një dekadë, ekspertët dhe kërkuesit akademikë në OUP kanë ndjekur ‘Fjalën e Vitit për Fëmijë’, duke analizuar evolucionin e gjuhës së fëmijëve dhe mënyrën se si ajo përdoret për të pasqyruar emocionet dhe përvojat e tyre.
Fjalët e kaluara të Vitit për Fëmijët nga Oxford përfshijnë “ndryshimet klimatike” në 2023 dhe “mbretëresha” në 2022. /Katror.info
Përgatiti:
