Ka dalë nga shtypi libri më i ri i studiueses dhe profesoreshës Vjosa Sadriu-Hamiti, me titull “Modaliteti në gjuhësi”, botuar nga Botimet XHAD në Prishtinë.
Ky botim përfaqëson një hap të rëndësishëm në studimin e modalitetit në gjuhën shqipe dhe vjen si rezultat i një pune kërkimore dhe studimore shumëvjeçare.
Ky është libri i dytë i autores, pas botimit të parë në Gjermani më 2019, “Epistemische Modalität – die Äußerungsmöglichkeiten im Deutschen und ihre Äquivalente im Albanischen” (Modaliteti epistemik – Mundësitë e shprehjes në gjermanisht dhe ekuivalentet e tyre në shqip), i cili ofronte një analizë kontrastive të modalitetit epistemik në dy gjuhë.
Mundesh me e lexu edhe...
““Modaliteti në gjuhësi” mëton të jetë një ndihmesë origjinale në shqip për këtë fushë interesante të dijes. Libri mëton që domenin e modalitetit ta shpjegojë me gjuhë të saktë, edhe terminologjike, por të kapshme për publikun e gjerë lexues”, shkruan autorja në njoftimin e saj publik.
Libri i ri, Modaliteti në gjuhësi, rrok një nga aspektet më sfiduese të gjuhës njerëzore – mënyrën se si gjuha shpreh qëndrime, mundësi, bindje dhe dyshime. Autorja e shqyrton këtë temë jo vetëm në nivelin gramatikor dhe semantik, por edhe nga këndvështrimet filozofike, pragmatike dhe diskursive.
Qëllimi i këtij botimi është të ofrojë një kontribut origjinal në gjuhën shqipe për një fushë ende pak të trajtuar, duke përdorur një gjuhë të saktë terminologjikisht, por të qasshme për studiuesit dhe publikun e gjerë./Katror.info
Përgatiti:
