Keni dëshirë të madhe për një ndryshim të modelit të flokëve, por nuk jeni e sigurt se çfarë forme dhe gjatësie dëshironi?
Epo, nëse ndiqni tendencat e modës, atëherë duhet të keni dëgjuar për bobin e chopped ose bobin shaggy.
Sipas LookFantastic’s Beauty Trends Report, kërkimet për modelin e flokëve të bobit chopped në vitin 2023 u rritën me 550%, duke e bërë bobin choppy tani për tani më të popullarizuarin në botë.
Për ata që ende nuk dinë për cilin model bëhet fjalë – e bart aktorja Jenna Ortega, e cila ka arritur famë botërore me rolin në hitin Neflix “E mërkura”, transmeton Telegrafi.
Parukieri i Jena Ortegas, David Stanwille, i cili është një adhurues i madh i prerjeve të flokëve bob, e përshkroi atë si “flokë të shkurtër, të ashpër dhe mrekullisht rebelë”.
Ndryshe nga bobi klasik, Davidi i preu flokët Jenna-s shkallë-shkallë, në mënyrë që të duken sikur ajo i preu vetë, thjesht shumë më joshës.
Dhe tani, për të gjithë ata që e duan këtë model flokësh, David dha disa informacione se si të bëni bobin e përsosur të prerë në një bisedë me Glamour.uk.
“Së pari zgjidhni gjatësinë e dëshiruar që ju përshtatet, sepse kur të filloni me një prerje flokësh të shkallëzuar, do të dalë pak më e shkurtër nga sa keni planifikuar, ndaj bëni kujdes. Një truk tjetër – edhe pse ky model flokësh duket i ashpër, sigurohuni që të dyja anët të jenë simetrike. Dhe së fundi, do të ishte mirë që thjesht t’i thani flokët në mënyrë natyrale, pa i tharë apo hekurosur, sepse çështja është që frizurat tuaja duken të çrregullta dhe rebele”, tha David.
Përgatiti:
