Sot pritet një ditë me diell dhe vranësira të herëpashershme në pjesë të ndryshme të vendit. Në disa zona, mund të ketë reshje të shkurtra shiu.
Sipas Institutit Hidrometeorologjik të Kosovës, temperaturat minimale do të lëvizin ndërmjet 12 dhe 16°C, ndërsa ato maksimale parashikohen të arrijnë nga 28 deri në 32°C. Era do të fryjë kryesisht nga drejtimi verilindor me një shpejtësi prej 1 deri në 6 metra për sekondë.
Indeksi i rrezatimit ultravjollcë (UV) do të jetë në nivele të larta. Si pasojë, rekomandohet që gjatë intervalit kohor nga ora 9 e mëngjesit deri në 5 të pasdites të shmangen ekspozimet e gjata në diell, veçanërisht për të moshuarit, fëmijët dhe personat me sëmundje të vazhdueshme./Katror.info
