eminari Ndërkombëtar i Gjuhës, Letërsisë dhe Kulturës Shqiptare do të nisë punimet nga data 19 deri më 30 gusht në Prishtinë. Në edicionin e 50-të të tij pamja e seminarit do të ketë veprën e artistit kosovar me famë botërore, Sislej Xhafa, i cili ilustroi Hyjneshën në Fron duke pushuar.
Sipas njoftimit për medie, për gjysmë shekulli Seminari i Prishtinës ka mbledhur në Kosovë të gjitha figurat e njohura botërisht që në një formë ose tjetrën kanë pasur gisht në mburrjen e këtij kombi dhe në shkencën e albanologjisë.
“Prej vitit 2000 Seminari identifikohet me imazhin e Hyjneshës në Fron. Drejtoria e Seminarit sivjet ka vendosur që pamja e Seminarit në këtë përvjetor të ketë prekjen e artistit kosovar me famë botërore, Sislej Xhafa, i cili për edicionin e 50-të të Seminarit ilustroi Hyjneshën në Fron duke pushuar. Hyjnesha e Seminarit në realitet nuk pushon asnjëherë, por Sislej e krijoi të tillë, të përshtatur në logo nga Yll Rugova, sepse pas 50 vjetësh ajo edhe e meriton”, ka njoftuar drejtoria e seminarit të Univerisitetit të Prishtinës.
Mundesh me e lexu edhe...
Sislej Xhafa është një artist visual kosovar, i lindur në Pejë, i cili aktualisht vepron në Nju-Jork. I ka prezantuar punimet e tij në ekspozita të shumta në vende të ndryshme të botës, si në Japoni, Zvicër, Itali, Turqi, Kanada, Angli etj. Së fundmi, ai ka pranuar titullin Academic Honoré nga Akademia e Arteve të Bukura në Firencë të Italisë. Puna e tij aktualisht është ekspozuar globalisht në shumë institucione botërore me famë./Katror.info
Përgatiti:
