Nëse ëndërroni të jetoni përgjithmonë në një ishull tropikal në Karaibe dhe madje të paguheni për të, këtu është shansi juaj.
Kush nuk e ëndërron të jetë në një parajsë ishullore në mes të askundit, i rrethuar nga ujëra të pastër kristal, pemë tropikale kokosi dhe plazhe të mëdha me rërë? Sigurisht shumica. Tani, imagjinoni të jetoni përgjithmonë në një ishull të tillë Karaibe dhe gjithashtu të paguheni për të.
Mund të duket e pabesueshme, por ky njoftim i veçantë për punë është plotësisht i vërtetë. Më konkretisht, ai u postua në faqen e internetit të kompanisë Fairfax & Kensington, e cila është e specializuar në gjetjen e stafit për milionerët. Kështu, në reklamën e tyre më të fundit, thuhet se një miliarder është i gatshëm t’i paguajë 180 mijë euro një çifti që do të pranojë të transferohet në ishullin që ai bleu pak kohë më parë në Ishujt e Virgjër Britanikë (në lindje të Porto Rikos), në mënyrë që të kujdesuni për të, përcjell Top Channel.
Mundesh me e lexu edhe…
Reklama, e cila tashmë ka disa të interesuar nga çdo cep i tokës, shpjegon në detaje të gjitha kërkesat që duhet të plotësojnë ata që do të punojnë në ishullin privat të Karaibeve. Fillimisht, kompania është në kërkim të një çifti “me eksperiencë të gjerë në mikpritjen luksoze”. Gjithashtu, do të vlerësohet pozitivisht nëse njëri nga dy anëtarët ka përvojë të gjerë në sektorin e biznesit dhe tjetri në media.
Ndër detyrat e njerëzve të zgjedhur përfundimisht për këtë punë do të jetë jo vetëm mirëmbajtja dhe mbikëqyrja, por edhe promovimi aktiv i ishullit, duke marrë pjesë kështu në një “fushatë unike” për të tërhequr turizmin luksoz pasi ishulli përjeton një “transformim të rëndësishëm”.
Në mënyrë të detajuar, kërkesat e pozicionit specifik të punës:
– Eksperiencë në mikpritjen luksoze.
– Njohuri për menaxhimin e pronave dhe shërbimin e mysafirëve.
– Eksperiencë e mëparshme pune në Karaibe.
– Aftësi të forta ndërpersonale dhe komunikuese.
– Aftësia për të menaxhuar ekipe nga shumë kultura të ndryshme.
– Aftësi për të punuar në një mjedis të largët.
– Përvoja dhe komoditeti në rrjetet sociale para kamerës.
Përveç pagës së mirë (180.000 euro në vit për një çift), personat që do të jenë aty do të kenë akses të plotë në të gjitha shërbimet e ishullit, kujdesin mjekësor dhe pensionin, fluturimet (një kthim në shtëpi në vit), ushqimin dhe akomodimi.
Çiftet e interesuara duhet të dërgojnë CV-në e tyre, së bashku me një lidhje nga një video e TikTok jo më shumë se dy minuta me #barefootluxurybvi #fairfaxandkensington në [email protected]. Megjithëse reklama nuk shpjegon asgjë se çfarë duhet të përmbajë videoja, ka më shumë gjasa që ata të duan një prezantim dhe një shpjegim të shkurtër se pse janë kandidatë idealë për këtë pozicion. /Katror.info
Përgatiti:
