Muzika ka qenë një formë arti dhe shprehjeje kulturore që ka shoqëruar njerëzimin për më shumë se 40.000 vjet. Nga flauti i lashtë deri tek kitara elektrike moderne, muzika ka lënë një gjurmë të thellë në historinë e popujve të ndryshëm dhe ka pasuruar jetën e tyre në çdo kohë dhe vend. Sot, ajo është më pranë se kurrë, falë avancimeve teknologjike që na lejojnë ta dëgjojmë dhe ta përjetojmë në çdo moment dhe kudo.
Ekspertët e shëndetit mendor dhe emocional vënë në dukje se muzika ka një ndikim të thellë në gjendjen tonë shpirtërore. Ajo mund të na qetësojë, të na ngrejë humorin, apo të na ndihmojë të përballojmë stresin e përditshëm. Në këtë kontekst, një studim i vitit 2013, i botuar në “Journal of Positive Psychology”, vërteton se dëgjimi i muzikës ritmike mund të përmirësojë ndjeshëm emocionet brenda dy javësh. Personat që morën pjesë në studim raportuan se muzikat me ritme të shpejta i ndihmuan të ndiheshin më mirë dhe më energjikë.
Po ashtu, terapia muzikore është një fushë në rritje, e cila përdoret për të trajtuar një gamë të gjerë problemesh, nga stresi dhe dhimbjet fizike, deri tek çrregullimet neurologjike. Sipas Shoqatës së Terapisë Muzikore në Amerikë, kjo metodë ka treguar efikasitet në trajtimin e personave me sëmundje si dementia dhe Parkinson, duke ulur simptomat e ankthit dhe stresit dhe duke ndihmuar në rikuperimin e kujtesës dhe funksioneve neurologjike. Kjo terapi ndihmon gjithashtu në çlirimin nga dhimbjet fizike, pasi muzika ka aftësinë të qetësojë trupin dhe të krijojë një mjedis relaksues.
Mundesh me e lexu edhe…
Muzika, me fuqinë e saj, ka aftësinë të na ofrojë momente qetësie shpirtërore dhe mund të jetë një mjet i fuqishëm për të ruajtur një gjendje të shëndetshme emocionale. Prandaj, ekspertët sugjerojnë që të gjithë të gjejnë muzikën që i përshtatet shpirtit të tyre dhe ta dëgjojnë sa herë që kanë nevojë për një moment relaksi.
Përgatiti:
