Megjithëse e mërkurë dhe jemi ende në Shkurt, një nga muajt që në teori duhet të ishte ndër më të ftohtët, temperaturat e larta i kanë çuar njerëzit në plazh.
Në durrës, sot që temperaturat shënojnë deri në 22 gradë celsius njerëzit janë zhveshur buzë detit.
Banjot e diellit dhe ujit, lojërat në rërë dhe një kafe a drekë buzë Adriatikut kanë ftuar mjaft pushues në plazh. Më të kënaqur shfaqen fëmijët që i gëzohen lojërave dhe shoqërisë buzë detit, po dhe grupmoshat e tjera nuk mbeten pas.
Mundesh me e lexu edhe…
Ky mot i ngrohtë dhe pse i karakterizuar nga vranësira të herëpashershme është i mirëpritur dhe nga bizneset e shumta përgjatë bregdetit të Adriatikut. Shumica e njësive të shërbimit dhe akomodimit, si dhe bar-restorantet janë të hapura dhe ofrojnë shërbim gjatë të gjithë vitit, për shkak të frekuentimit të vazhdueshëm të bregdetit të Durrësit në çdo stinë të vitit. Por ngrohja e motit po tërheq dhe më shumë pushues vendas e të huaj në këtë stinë. /Katror.info
Përgatiti:
