Në Suedi vendosën të shpërblejnë qytetarët që raportojnë parkim të paligjshëm. Është një aplikacion që banorët e qytetit suedez të Uppsala mund ta përdorin për të regjistruar parkimet e paligjshme, pas së cilës do t’u paguhet një bakshish, sipas Euronews dhe mediave suedeze.
Krijues i aplikacionit është kompania Scout Park, dhe mund të përdoret nga të gjithë suedezët mbi 16 vjeç që kanë numër të sigurimeve shoqërore.
Duke përdorur aplikacionin, qytetarët mund të ndihmojnë rojet e parkingut të gjejnë njerëz që nuk respektojnë rregullat e parkimit në komunitet – tha kreu i kompanisë, Erik Englund, për revistën gjermane Der Spiegel. Këto janë hapësira parkimi në qytet të menaxhuara nga një operator privat.
Mundesh me e lexu edhe…
Sipas Der Spiegel, pasi një përdorues zbulon një automjet të parkuar gabimisht në zonën në fjalë, ai ose ajo mund ta regjistrojë atë me celularin e tij dhe ta raportojë atë nëpërmjet aplikacionit.
Pas kësaj, ai merr një mesazh se rojet komunale janë duke shkuar për në lokacion.
Nëse veprimi rezulton që pronari i veturës të marrë një biletë parkimi, sinjalizuesi do të marrë një bonus prej 100 korona suedeze, që është rreth 9 euro. /Katror.info
Përgatiti:
