Kur një gazetar i CNN-së telefonoi në numrin 1-800-CHATGPT, një zë femre në anën tjetër ofroi një recetë për biskota me çokollatë dhe përmbledhi Luftën Civile. Por zëri nuk dukej i hapur për biseda personale.
“Nuk kam ndjenja, por e gjej punën time mjaft interesante,” tha chatbot-i.
ChatGPT – i prezantuar pak më shumë se dy vjet më parë si një bot i aftë për biseda në internet tani është në telefon, shkruan CNN, përcjell katror.info.
Mundesh me e lexu edhe...
Duke telefonuar në 1-800-242-8478 në SHBA, ata që janë të rinj në botën e chatbot-ëve AI mund të provojnë OpenAI pa shkarkuar aplikacionin, njoftoi kompania të mërkurën, dhe të zhvillojnë një bisedë me zë përmes një telefoni të zakonshëm. OpenAI tha se kjo është e dobishme për ata që nuk kanë akses të qëndrueshëm në të dhëna me shpejtësi të lartë shkruan CNN, përcjell Katror.info.
Çdokush nga mbarë bota mund gjithashtu të dërgojë mesazh në këtë numër përmes WhatsApp për të komunikuar me chatbot-in.
Kompania tha se përdoruesit do të kenë 15 minuta në muaj për të telefonuar ChatGPT.
Ky mjet, i reklamuar si një “mënyrë eksperimentale” për të biseduar me chatbot-in, nuk ka të njëjtin gamë mundësish si ChatGPT-i i plotë. Për shembull, biseda telefonike nuk do të jetë po aq e personalizuar sa përdorimi i aplikacionit.
Kjo veçori u ndërtua “për vetëm disa javë,” sipas një transmetimi në livestream nga OpenAI, si pjesë e një serie të shpejtë përditësimesh dhe mjeteve për fushatën “12 Ditët e OpenAI.”
Ka pasur pyetje në lidhje me teknologjinë e zërit të chatbot-it, në një raport të gushtit, OpenAI shprehu shqetësimin se përdoruesit mund të bëhen shumë të varur nga modaliteti i tij i zërit që tingëllon si njeri.
Kur iu kërkua nëse përdoruesit janë dakord që OpenAI të regjistrojë ose mbajë zërin e tyre duke përdorur këtë veçori, kompania e drejtoi CNN-në te politika e saj e privatësisë dhe Kushtet e Përdorimit. Para se përdoruesit të fillojnë të flasin me ChatGPT përmes telefonit, ata bien dakord me Kushtet e Përdorimit dhe politikën e privatësisë të OpenAI duke vazhduar (ka disa klauzola në lidhje me të dhënat personale që mbledh). Kompania gjithashtu jep një deklaratë se mund të rishikojë të dhënat për qëllime sigurie.
Përveç shqetësimeve për AI-në, OpenAI po përballet gjithashtu me konkurrencë të fortë dhe presione për të arritur fitim. Po lufton drejtpërdrejt me Google për motorin e tij të kërkimit, ndonëse Google po lanson gjithashtu teknologji të reja, si një mjet që lejon njerëzit të ngarkojnë foto për të marrë imazhe të krijuara nga AI. Pastaj është xAI i Elon Musk, Meta AI dhe Bing i Microsoft-it [i cili përdor teknologjinë e OpenAI].
Në tetor, OpenAI njoftoi një raund financimi privat rekord prej 6.6 miliardë dollarë, duke e rritur vlerësimin e kompanisë në 157 miliardë dollarë.
Kur iu bë pyetja të mërkurën nëse ChatGPT do të jetë ndonjëherë fitimprurës, zëri i chatbot-it iu përgjigj një gazetarje të CNN se OpenAI planifikon ta arrijë këtë në të ardhmen.
Por, shtoi chatbot-i, “Unë nuk merrem me para vetë.” /Katror.info
Përgatiti:
