Gazetari veteran kosovar, Nebi Qena, ka marrë nje pozitë të re të lartë në agjencinë e njohur të lajmeve Associated Press (AP) në Shtetet e Bashkura të Amerikës.
Në bazë të njoftimit të drejtoritë të lajmeve për SHBA-në në AP, Josh Hoffner, Qena është emëruar nga APi Zëvendësdrejtor i Videove për SHBA-në.
Hoffner, e ka vlerësuar Nebiun, si një “një lider të shquar në redaksinë e AP-së për shumë vite me radhë duke shtuar se “është vështirë të gjesh një koleg më të përkushtuar, bashkëpunues dhe të matur se ai.”
Mundesh me e lexu edhe…
“Ai ka shkëlqyer në çdo rol që ka mbajtur — shumë prej tyre në kushte jashtëzakonisht sfiduese: ka qenë producent i lartë për Izraelin, Gazën dhe Bregun Perëndimor; menaxher i fundjavës për SHBA-në; korrespondent dhe producent në Kosovë; si dhe ka pasur disa angazhime në Ukrainë gjatë konfliktit të vitit 2014 dhe së fundmi gjatë luftës atje. Kohët e fundit, ai ka shërbyer si zëvendës i përkohshëm në SHBA, duke udhëhequr mbulimin e disa prej ngjarjeve më të rëndësishme, si zjarret masive në Los Angeles dhe sulmet terroriste në Neë Orleans. Ai pati një ndikim të menjëhershëm dhe të qëndrueshëm, dhe jemi të entuziazmuar që do të marrë përsipër këtë sfidë të re,” ka shkruar ai.
Në këtë rol, Nebiu do të jetë udhëheqësi kryesor për video në kuadër të redaksisë së lajmeve për SHBA-në.
Nebi Qena e filloi karrierën si gazetar në të përditshmen kosovare Koha Ditore më 1997 për të cilën raportoi gjatë luftës në Kosovë.
Ishte kryeredaktor në Radio Televizionin e Kosovës. U bashkua me Associated Press si korrespondent më 2007 fillimisht në Kosovë dhe më pas u përfshi në raportimet në Evropë dhe në Lindjen e Mesme, duke përfshirë luftën në Ukrainë dhe në Siri.
Për më tepër Nebi Qena, është pjesë e ekipit të dokumentarit të shpërblyer me Oscar, “20 Ditë në Mariupol.” Dokumentari i Mstyslav Chernov, “20 Days in Mariupol”, e cili flet për qytetin e rrethuar ukrainas dhe gazetarët ndërkombëtarë që mbetën atje pas pushtimit të Rusisë, ka marrë vitin e kaluar çmimin Oscar për dokumentarin më të mirë.
Filmi, një bashkëprodhim midis AP dhe “Frontline” të PBS, u xhirua gjatë tre javëve të para të luftës në Ukrainë, në fillim të vitit 2022.
Në ekipin që ka punuar për këtë dokumentar, Nebi Qena, së bashku me Andrew Drake figurojnë si koordinatorë të redaktimit në Ukrainë./Katror.info
Përgatiti:
