Kampionia e Kosovës, Drita, nesër mbrëma do të përballet me gjigantin danez Copenhagen në ndeshjen e parë të raundit të dytë kualifikues në Ligën e Kampionëve.
Kjo sfidë do të luhet në “Parken Stadium” të Kopenhagës dhe sjelle një sfidë shumë të rëndësishme për ekipin nga Gjilani, i cili synon të shkruajë historinë në arenën evropiane.
Drita kaloi me sukses raundin e parë të garës më prestigjioze për klube në Evropë dhe tashmë përballet me një kundërshtar shumë më të fortë në letër.
Mundesh me e lexu edhe…
Copenhagen ka përvojë të gjatë në garat evropiane dhe shihet favorit, por ekipi i drejtuar nga trajneri Zekirija Ramadani mbetet i vendosur për të dhënë maksimumin dhe për të marrë një rezultat pozitiv në ndeshjen e parë.
Drita dje ka udhëtuar për në Danimarkë, derisa sonte mban stërvitjen e fundit para dueli me Copenhagen, shkruan RTK.
Dueli mes skuadrës daneze dhe Dritës fillon në orën 19:00./Katror.info
