Kancelari gjerman Friedrich Merz gjatë fjalimit të tij në Samitin e Komunitetit Politik Evropian ka theksuar se duhet të vazhdohet mbështetje e fortë politike, ekonomike, financiare e ushtarake për Ukrainën.
Ai ka theksuar se “nuk duhet të ketë pikë dyshimi që ne jemi tërësisht të angazhuar dhe të gatshëm të japim mbështetjen tonë të plotë”.
“Kemi një sfidë që nuk është parë në këtë 10-vjeçar në Ukrainë, nuk është një luftë kundër këtij vendi, ne ishim në Kiev, e bëmë këtë jo vetëm në emrin tonë, por edhe në tuajin për të treguar vendosmërinë, jemi të vendosur që duhet të vazhdojmë t’i japim mbështetje të fortë ushtarake Ukrainës, këtij vendi që gjendet në vështirësi, përpjekjet tona kanë treguar sukses të vogël diplomatik”, është shprehur Merz, raporton Koha.net.
Mundesh me e lexu edhe...
Merzi ka theksuar se duhet bërë përpjekje që amerikanët të jenë në anën e Evropës.
“Ne duhet të bëjmë çdo përpjekje të mundshme që amerikanët t’i kemi në anën tonë, nuk mund t’i zëvendësojmë kurrsesi amerikanët dhe atë që ata bëjnë për ne në Evropë, në kontinentin tonë për paqen tonë, lirin tonë“, ka deklaruar Merz./Katror.info
