Një nga ngjarjet më të rëndësishme të skenës muzikore në Kosovë, Festivali Ndërkombëtar NGOM, ka nisur edicionin e vitit 2025 mbrëmjen e kaluar në ambientin unik të Kalasë së Prizrenit, shkruan Katror.info.
Festivali, që do të zgjasë deri më 6 korrik, premton katër netë të mbushura me muzikë, energji dhe emocione për mijëra adhurues të zhanreve Rock, Alternative dhe Elektronike. Mbrëmja e parë u karakterizua nga entuziazëm i madh dhe performanca të fuqishme nga DJ dhe artistë vokalë që e mbajtën publikun në këmbë deri në orët e vona.
Qytetarë nga e gjithë Kosova dhe më gjerë janë mbledhur për të shijuar këtë përvojë kulturore, që prej vitit 2011 ka sjellë vazhdimisht risi dhe energji në jetën artistike të vendit. Sivjet, në mesin e emrave që do të performojnë në skenën e NGOM Fest janë Acer, Mscream, Mak Zøgaj, Sıngı, Buta, Spin by Celina, Dhjetori, Zwada, Shpat Deda, Dren Abazi, Yuko, Uran B., Vera Grace, _C93, Petro Marko, Anıtë, Armen Miran, Secret 47 dhe George Adi.
Mundesh me e lexu edhe…
Organizatorët kanë theksuar se presin pjesëmarrje të madhe edhe këtë vit, ndërsa Kalaja e Prizrenit mbetet simbol i bashkimit mes historisë dhe kulturës bashkëkohore./Katror.info
