Fëmijët izraelitë vuajnë nga alergjitë ndaj kikirikut në vetëm një të dhjetën e shkallës së bashkëmoshatarëve të tyre perëndimorë me prejardhje të ngjashme gjenetike, dhe studiuesit mjekësorë mendojnë se e dinë arsyen: Ngrënia e Bamba, një rostiçer ikonë (te ne njihet si smoki) me shije kikiriku që konsiderohet një element kryesor i fëmijërisë izraelite.
Duket se mbajtja e fëmijëve të vegjël larg kikirikëve në një moshë të re i bën ata më të ndjeshëm ndaj alergjive të kikirikut ndërsa rriten. Ekspozimi i foshnjave ndaj kikirikëve para moshës 1 vjeçare në fakt ndihmoi në parandalimin e një alergjie ndaj kikirikut, duke e ulur këtë rrezik deri në 81 për qind, zbuluan mjekët. Në vend që të provokonte një alergji, ekspozimi i hershëm dukej se ndihmonte në ndërtimin e tolerancës dhe imunitetit.
Për vite me radhë, prindërit e foshnjave që duket se kanë një alergji ndaj kikirikut kanë shkuar në ekstreme për t’i mbajtur ato larg ushqimeve me bazë kikiriku. Tani një studim i sugjeron se kjo është pikërisht gjëja e gabuar për të bërë.
Mundesh me e lexu edhe…
“Disa vite më parë, ne zbuluam se rreziku i zhvillimit të alergjisë ndaj kikirikut ishte 10 herë më i lartë në mesin e fëmijëve hebrenj në Mbretërinë e Bashkuar sesa ishte tek fëmijët izraelitë me prejardhje të ngjashme,” shkruajnë shkencëtarët.
“Ky vëzhgim lidhet me ndryshimi në kohën në të cilën kikirikët futen në dietë në këto vende: në Mbretërinë e Bashkuar foshnjat zakonisht nuk konsumojnë ushqime me bazë kikiriku në vitin e parë të jetës, ndërsa në Izrael, ushqimet me bazë kikiriku zakonisht futen në dietë, kur foshnjat janë afërsisht 7 muajshe dhe konsumi mesatar mujor i tyre i proteinave të kikirikut është 7.1 gram. Ky zbulim na shtyu të supozojmë se futja e hershme e kikirikëve në dietë mund të ofrojë mbrojtje nga zhvillimi i alergjisë ndaj kikirikut.”
Dr. Anthony Fauci, drejtor i Institutit Kombëtar të Alergjisë dhe Sëmundjeve Infektive, i quajti rezultatet “pa precedent” dhe tha në një deklaratë se ato “kanë potencialin të transformojnë mënyrën se si i qasemi parandalimit të alergjive ushqimore”.
Agjencia e tij ndihmoi në financimin e studimit, testin më të madh dhe më rigoroz të këtij koncepti. Rezultatet u publikuan në internet në New England Journal of Medicine dhe u diskutuan në një konferencë të Akademisë Amerikane të Alergjisë, Astmës dhe Imunologjisë në Hjuston.
Megjithatë, një paralajmërim i madh: foshnjat në studim u kontrolluan për t’u siguruar që nuk kishin tashmë një alergji ndaj kikirikut përpara se të ushqeheshin me ushqime që përfshinin kikirikë, kështu që prindërit e foshnjave që mendohet se janë në rrezik për një alergji nuk duhet ta provojnë këtë.
Zbulimi kryesor – se ekspozimi i hershëm ndaj një ushqimi problematik mund ta pengojë atë të bëhet një problem afatgjatë – duhet të ndryshojë udhëzimet e ushqimit shpejt, parashikoi studimi.
Redaktorët e NEJM zbuluan se “rezultatet e këtij studimi janë kaq bindëse dhe problemi i përhapjes në rritje të alergjisë ndaj kikirikut është kaq alarmant, sa që udhëzime të reja duhet të ofrohen shumë shpejt.”
“Para se të filloni çdo lloj prezantimi, këtyre fëmijëve duhet të u bëhet testi i lëkures. për të parandaluar reagimet kërcënuese për jetën”, tha Dr. Rebecca Gruchalla, një specialiste alergjie në Qendrën Mjekësore Jugperëndimore të Universitetit të Teksasit në Dallas.
Gjithashtu, fëmijët e vegjël mund të mbyten me kikirikë të plotë, kështu që gjalpi i butë i kikirikut ose ushqimet e tjera me bazë kikiriku janë më të sigurta, tha Gruchalla, e cila shkroi një koment mbi studimin në revistë.
Alergjitë e kikirikut janë dyfishuar gjatë dekadës së fundit dhe tani prekin më shumë se 2 për qind të fëmijëve në Shtetet e Bashkuara dhe një numër në rritje të tyre në Afrikë, Azi dhe gjetkë. Kikirikët janë shkaktari kryesor i reaksioneve të rënda dhe vdekjeve të lidhura me alergjitë ushqimore. Ndryshe nga shumë alergji të tjera, ajo nuk tejkalohet me kalimin e moshës.
Alergjitë ushqimore shpesh janë të trashëguara, por hulumtimet sugjerojnë se ato gjithashtu mund të zhvillohen pas lindjes dhe se mosha e ekspozimit mund të ndikojë nëse ndodhin.
Studiuesit në King’s College në Londër e filluan këtë studim pasi vunë re shkallë shumë më të larta të alergjive ndaj kikirikut tek fëmijët hebrenj në Londër, të cilëve nuk u jepeshin ushqime me bazë kikiriku në foshnjëri, krahasuar me të tjerët në Izrael. Studimi përfshiu më shumë se 600 fëmijë të moshës 4 muaj deri në 11 muaj në Angli. Të gjithë mendohej se ishin në rrezik për alergji nga kikirikët, sepse ishin alergjikë ndaj vezëve ose kishin ekzemë, një gjendje e lëkurës që është një simptomë e shpeshtë e alergjisë.
Të gjithëve iu janë bërë teste për t’u siguruar që nuk ishin alergjikë ndaj kikirikëve. Ata u ndanë në dy grupe – 530 që nuk shfaqën shenja të alergjisë ndaj kikirikut dhe 98 të tjerë me reaksione të lehta deri në mesatare, duke sugjeruar që një alergji mund të jetë duke u zhvilluar.
Gjysma e secilit grup u caktua të shmangte kikirikët dhe gjysma tjetër duhej t’i konsumonte ato çdo javë, zakonisht si gjalpë kikiriku ose Bamba, një fryrje me shije kikiriku./Katror.info
Përgatiti:
