Nintendo lansoi zyrtarisht Switch 2, konzolën e re të lojërave që po përjetohet me shumë entuziazëm nga fansat në Japoni dhe në mbarë botën.
Në lagjen tregtare Ikebukuro të Tokios, dhjetëra persona që fituan në një lotari për blerje paraqitën radhë para dyqaneve për të marrë pajisjen e re.
Switch 2 sjell përmirësime të dukshme me ekran më të madh dhe grafikë më të avancuar, si dhe vjen me lojëra të reja si “Mario Kart World”.
Mundesh me e lexu edhe…
Nintendo ka shitur deri tani 152 milionë njësi të Switch-it origjinal, i cili u bë një fenomen global falë titujve si “The Legend of Zelda” dhe “Animal Crossing: New Horizons”.
Kompania parashikon të shesë 15 milionë njësi të Switch 2 gjatë vitit financiar aktual, ndërsa kërkesa është e jashtëzakonshme edhe në SHBA.
Presidenti i Nintendo-s, Shuntaro Furukawa, tha se kompania do të rrisë kapacitetet e prodhimit për të përmbushur kërkesën dhe do të fokusohet në promovimin e shitjeve.
Lansimi i Switch 2 shihet si një test për menaxhimin e zinxhirit të furnizimit në kohën e tensioneve tregtare globale. /Katror.info
Përgatiti:
