Në hapësirën e jashtme të Bibliotekës Kombëtare në Prishtinë, sonte ka nisur edicioni i pestë i Festivalit Ndërkombëtar të Operës Rame Lahaj, nën moton “Ëndrra pa kufi, Opera pa mure”.
Nata hapëse iu kushtua këngëtares së madhe shqiptare, Nexhmije Pagarusha, duke sjellë performanca unike dhe nostalgji përmes disa prej këngëve më të njohura të saj.
Në skenë kënduan artistë të njohur si Gala El Hadidi, e cila për herë të parë performoi në gjuhën shqipe, si dhe këngëtaret Edona Reshitaj, Adhurim Grezda dhe Arbëreshé.
Mundesh me e lexu edhe…
Nën tingujt e grupit muzikor “Gent Rushi Group”, ata krijuan një atmosferë unike për të pranishmit.
Festivali do të vazhdojë më 24 korrik në Pejë dhe më 25 korrik në Mitrovicë, duke përçuar trashëgiminë e pasur të muzikës shqipe në gjithë Kosovën.
Aktivitetet do të zgjasin deri më 2 gusht, kur edhe do të mbahet mbrëmja përmbyllëse Gala Night “Rame Lahaj & Friends”, me pjesëmarrjen e artistëve të njohur ndërkombëtarë, raporton KosovaPress. /Katror.info
