Sot fillon java e kodimit në mbi 250 shkolla vullnetare të komunës së Prishtinës.
Nxënësit e nxënëset e kryeqytetit do të angazhohen në qindra aktivitete që përfshijnë kurse të kodimit, projekte, prezantime e sesione informuese rreth kodimit, inteligjencës artificiale e shkencave kompjuterike.
Ekipi bashkëpunues i Shoqatës Profesionale të Informaticientëve (SHPIK), ka përkthyer kurrikulën në Code.org në gjuhën shqipe, nga niveli parashkollor e deri në klasën XII, si dhe kanë kontribuuar edhe në vazhdim së bashku me partnerët e tjerë, për t’i bërë përgatitjet në të gjitha shkollat pjesëmarrëse të kryeqytetit.
Mundesh me e lexu edhe…
Lidhur me nismën e “Javës së kodimit”, nxënësit dhe mësimdhënësit i ka uruar edhe kryeministri i vendit, Albin Kurti.
“Kosova pjesë e nismës globale të kodimit. Sot po fillon java e kodimit në mbi 250 shkolla vullnetare. Do të zhvillohen qindra aktivitete që përfshijnë kurse të kodimit, projekte, prezantime e sesione informuese rreth kodimit, inteligjencës artificiale e shkencave kompjuterike.”
“Partnerët SHPIK dhe Code.org, bashkë me shkollat dhe qendrat e trajnimeve, do të mundësojnë realizimin e Orës së Kodimit. Të gjithë nxënësve dhe mësimdhënësve që do të jenë pjesë e kësaj nisme përgjatë kësaj jave, ju uroj kodim të suksesshëm. Mezi pres të kthehem nga Vjena që t’ju vizitoj e përgëzoj nga afër”, u shpreh Kurti nëpërmjet një video-adresimi në rrjetin e tij social Facebook.
“Hour of Code” është prezantim falas në shkencën kompjuterike përmes aktiviteteve argëtuese dhe videove për nxënësit e të gjitha niveleve të aftësive. Ky aktivititet po shënohet si nismë globale në 180+ vende në të gjithë botën. Festimi i sivjetshëm i kodimit dhe AI mbështetet nga mbi 400 partnerë, 20,000 edukatorë dhe 58,000 vullnetarë./Katror.info
Përgatiti:
