Në Muzeun Çek të Muzikës në Pragë ësht mbajtur “Dita e Ekselencës 2022”. Drejtori ekzekutiv i Fondacionit Lumbardhi, Ares Shporta prezantoi procesin e “Lumbardhi Përsëri Publik”, nismë e cila është në mesin e fituesve të Çmimeve të Trashëgimisë Evropiane / Çmimet Europa Nostra të këtij viti në kategorinë Angazhimi dhe Ndërgjegjësimi i Qytetarëve.
Samiti Evropian i Trashëgimisë Kulturore 2022 në Pragë, po mbahet mes datave 25-27 shtator, në kuadër të Presidencës Çeke të Këshillit të Bashkimit Evropian, organizuar nga ‘Euopa Nostra’ dhe Europa Nostra Republika Çeke, si dhe në bashkëpunim me Ministrinë Çeke të Kulturës.
Komisioni Evropian dhe Europa Nostra kanë shpallur të enjten fituesit e vitit 2022 për çmimet e evropiane të trashëgimisë, Europa Nostra, financuar nga programi i BE-së për Evropën Kreative.
Mundesh me e lexu edhe...
Mes fituesve të këtij viti është edhe nisma “Lumbardhi Përsëri Publik”, në kategorinë “Angazhimi dhe ndërgjegjësimi i qytetarëve”.
Përmes një njoftimi, Europa Nostra bën të ditur se projekti “Lumbardhi përsëri publik” (Lumbardhi Public Again) është një nismë e suksesshme për të shpëtuar Kinemanë “Lumbardhi” në Prizren nga privatizimi dhe shembja.
“Aktivitetet e tyre e kanë rifituar kinemanë si një vend trashëgimie që është kthyer në një qendër të gjallë për aktivitete kulturore”, thuhet në njoftimin e Evropa Nostra.
Po sipas Europa Nostra, ndikimi që ka pasur nisma “Lumbardhi përsëri publik” në komunitetin lokal është shumë cilësor dhe dallohet për mënyrën se si ka ndikuar në politikat dhe qëndrimet e trashëgimisë kulturore në rajon e më gjerë.
Nisma “Lumbardhi përsëri publik” është iniciuar nga DokuFest dhe EC Ma Ndryshe, pas dy fushatave në vitin 2007 dhe 2014, lansoi Fondacionin “Lumbardhi” në vitin 2015, i cili i arriti qëllimet e tij themeluese gjatë tetë viteve.
Përgatiti:
