Një fshat në ishullin magjik italian të Sardenjës po u ofron “nomadëve digjitalë” jo më pak se akomodim falas.
Për të qenë të saktë, është fshati Ollolai, i cili ndodhet në pjesën qendrore të ishullit. Vetë fshati nuk ka shumë banorë, ku sipas të dhënave të fundit, në vitin 2016 aty kanë jetuar pak më pak se 1300 banorë.
Tashmë ka nga ata që përfituan nga rasti dhe u shpërngulën dhe njëra prej tyre është Clarice Partis, një eksperte e informatikës nga Los Anxhelesi.
Mundesh me e lexu edhe…
“Më duhej të ndërroja vendin. Po kërkoja një vendndodhje jo turistike, por në të njëjtën kohë të rrethuar nga natyra, ajri i pastër, male, plazhe të bukura, një vend ku mund të gjej paqe dhe një ritëm më të lehtë jete”, ajo tha.
Ollolai ofroi pikërisht këtë. Ndodhet mjaft larg nga bregu gjithnjë e më i famshëm i Sardenjës, por mjaft afër që mund ta arrini relativisht shpejt. Ajo që të gjithë e lavdërojnë veçanërisht, është sigurisht ushqimi, për të cilin Partis thotë se është i shkëlqyeshëm dhe se i pëlqen “të blejë tartuf të freskët dhe të përgatisë makarona me lloje të ndryshme salcash”.
Edhe pse një zgjedhje e shkëlqyer për nomadët digjitalë, Ollolai është një nga fshatrat që ka pësuar një fat të trishtë që është reflektuar në shpopullimin e zonave rurale. Kështu, numri i banorëve ka rënë nga 2250 në 1300 në 100 vitet e fundit, që është një diferencë e madhe.
Meqenëse programi i blerjes së një shtëpie për një euro ishte i suksesshëm, tani autoritetet lokale vendosën të investojnë në diçka tjetër dhe të bëhen një qendër për nomadët digjitalë. Programi, i quajtur “Puna nga Ollolai”, do të presë punëtorë nga e gjithë bota në dy vitet e ardhshme dhe do t’u ofrojë atyre mundësinë e akomodimit falas deri në tre muaj. Kushdo që vendos për këtë opsion duhet të aplikojë deri në fund të vitit.
Sa i përket socializimit, nuk ka asnjë problem, sepse përvoja tregon se mikpritësit janë mjaft të hapur dhe të përzemërt. Sigurisht, megjithëse gjithçka tingëllon e lirë në natyrë, ekziston një kusht i vogël. Kushdo që aplikon duhet të lërë ndonjë gjurmë konkrete të qëndrimit të tij, e cila mund të jetë një ese, një punim kërkimor ose një ese që lidhet me jetën në Ollolai. /Katror.info
Përgatiti:
