Një mrekulli natyrore pa brigje: Historia dhe misteret e Detit Sargasso.
Deti Sargasso është i vetmi det në botë që nuk ka asnjë bregdet. Ai nuk kufizohet nga toka, por është i rrethuar nga katër rryma oqeanike: Rryma e Gjirit (Gulf Stream), Rryma e Atlantikut Verior, Rryma e Kanarisë dhe Rryma Ekuatoriale Veriore.
Deti Sargasso shtrihet pranë pjesëve më të thella të Oqeanit Atlantik, me një thellësi mesatare prej rreth 4,500 metrash, ndërsa pika më e thellë zbret në mbi 7,000 metra. Ky det njihet për ngjyrën e tij të kaltër të thellë dhe pastërtinë e jashtëzakonshme të ujit, që mundëson dukshmëri deri në 60 metra nën sipërfaqe, transmeton Telegrafi.
Mundesh me e lexu edhe…
Një habitat unik
Për shkak të vendndodhjes së tij brenda një vorbulle oqeanike, Deti Sargasso është një nga vendet e rralla në botë ku rriten algat e llojit Sargassum. Kjo barishte detare, e cila gjendet vetëm në këtë rajon, përbën strehë dhe habitat për shumë specie endemike, si dhe një vend shumimi për ngjala, balena dhe kafshë të tjera detare.
Me ngjyrën e saj të artë, Sargassumi krijon një pamje unike, sikur një “pyll të artë nënujore”. Pikërisht prej saj, deti mori emrin Sargasso, duke u bërë i njohur për bukurinë e kësaj bime të veçantë.
Gjurmë historike
Përmendjet më të hershme të Detit Sargasso gjenden në tregime që datojnë nga shekulli X deri në shekullin XIV, ku përshkruhej si “det pa erë” dhe si habitat i një bime të rrallë detare – me gjasë Sargassum.
Në shekullin XIV, detarët madje këndonin këngë për një zonë në Atlantik pa erë dhe me barishte të çuditshme. Kristofor Kolombi e përmendi në shënimet e tij të vitit 1492 gjatë udhëtimit të parë drejt Botës së Re. Sipas raporteve, Kolombi hasi në këtë barishte dhe u frikësua se mund të dëmtonte anijen ose t’i tërhiqte në ujëra të cekëta e të rrezikshme.
Në vitin 1609, një tjetër ngjarje e madhe shënoi historinë e këtij deti: fundosja e anijes britanike “Sea Venture” për shkak të një uragani. Kjo ngjarje çoi në kolonizimin e Bermudës dhe e lidhi Detin Sargasso ngushtë me historinë e këtij arkipelagu.
Ngjyra magjike dhe pasiguria ekologjike
Një nga karakteristikat më të veçanta të Detit Sargasso është bistria dhe ngjyra e ujit të tij. Krahasuar me shumë dete të tjera, këtu uji ka një nuancë të kaltër të thellë dhe një transparencë të jashtëzakonshme, duke ofruar dukshmëri deri në 60 metra.
Megjithatë, kjo bukuri natyrore shpesh ndotet nga sasi të mëdha të mbeturinave plastike, të cilat grumbullohen në këtë rajon për shkak të qarkullimit të rrymave oqeanike dhe që nuk shpërbëhen me kalimin e kohës.
Popullsia dhe jeta njerëzore
E vetmja pjesë e banuar brenda Detit Sargasso janë Ishujt Bermude, që shtrihen përgjatë kufirit perëndimor të tij. Bermudet përbëhen nga 181 ishuj, por vetëm një numër i vogël prej tyre janë të banuar dhe të zhvilluar me infrastrukturë.
Arkipelagu ka rreth 70 mijë banorë, ndërsa mbi 70% e sipërfaqes së tij është tokë, dhe pjesa tjetër det që lidh ishujt mes tyre. Kështu, Bermudet përfaqësojnë të vetmen qendër të jetës njerëzore në këtë det të jashtëzakonshëm. /Katror.info
