Ideja se të jesh i zënë dhe të jesh produktiv është e njëjta gjë nuk qëndron. Një njeri që ka agjenda të ngjeshura nuk është domosdoshmërisht produktiv/frtydhënës. Në fakt një njeri produktiv apo siç ju thonë nganjëherë “Ninxha i produktivitetit” nuk është i njëjtë me një njeri të zënë, shkruan Chris Richardson, përcjell Katror.Info.
“Shumë njerëz mendojnë se ata që vërtiten poshtë e lartë duke ndjekur porositë si më produktiv sesa ata që janë më pasiv, por shpesh është krejt e kundërta”, shpjegon eksperti i psikologjisë Fred Dickson.
Dallimi kryesor është se një njeri i zënë do të mundohet t’i përshtatet shumë gjërave brenda një dite ndërsa një njeri produktiv e shkurton listën dhe bën çdo detyrë që e prioritizon në kohë.
Mundesh me e lexu edhe…
Njerëzit produktiv madje ia dinë vlerën të tërhequrit mbrapa dhe rivlerësimit se si kanë shkuar gjërat, ndërsa njerëzit e zënë thjesht vazhdojnë të bëjnë sa më shumë punë që të munden pa pasur një tablo më gjithëpërfshirëse në mendje.
Një njeri produktiv e merr kohën e tij për të bërë detyrat më të rëndësishme dhe e bëjnë shumë mirë dallimin mes të rëndësishmes dhe të parëndësishmes, ndërkohë jo çdokush që thotë se është i zënë po merret me diçka të rëndësishme. Një njeri i zënë është mësuar që të pranojë çdo sfidë dhe caktim duke qenë më lehtë i dekoncentruar për shkak të bërjes së shumë punëve në të njëjtën kohë.
Për dallim nga këta njerëzit produktiv janë mjeshtër të kryerjes së një pune në të njëjtën kohë, duke u siguruar se nuk do të koncentrohen shumë lehtë.
- Njerëzit e zënë ngjiten për karrigen dhe tavolinën e punës
Një njeri produktiv e di rëndësinë e të bërit pak pushim kohë pa kohë për të qëndruar produktiv dhe me energji. Nuk po flasim për pushimet e drekës por disa pushime shumë të shkurta gjatë ditës, madje është e rëndësishme që kohën e pushimit nga puna ta shfrytëzoni mirë për t’u rikuperuar.
- Njerëzit e zënë tentojnë të përgjigjen menjëherë në emaila, përderisa njerëzit produktiv i lënë të presin pak. Nëse diçka është shumë urgjente njerëzit thërrasin në telefon dhe të thonë shihe atë email, nuk është e nevojshme që të përgjigjemi në secilin email në sekond.
Njerëzit produktiv nuk fokusohen krejtësisht për t’u përgjigjur në secilin email menjëherë por e kanë një sistem të vetin që ju ndihmon të procesojnë dhe t’i prioritizojnë emailat. Për dallim nga ta njerëzit e zënë e nisin ditën duke kontrolluar emailat dhe në këmbim lejojnë që email inboxi i tyre t’ua diktojë pjesën tjetër të ditës, ndërkaq njerëzit produktivë e dinë se ka mënyra më të mira për ta filluar ditën/ Katror.Info
Përgatiti:
