Ben Affleck dhe Jennifer Lopez u kanë dhënë fund thashethemeve për një krizë mes tyre me një dhuratë super luksoze. Benniferët i kanë dhuruar vetes një mega vilë me vlerë 34 milionë dollarë, e rrethuar nga një kopsht i madh. Pas një kërkimi disamujor, ata gjetën shtëpinë e tyre të ëndrrave me shtatë dhoma gjumi, trembëdhjetë banja, katër kuzhina, një dhomë kinemaje, një palestër, një pishinë, një bodrum vere dhe një spa.
Vila e stilit Hampton u ndërtua vitin e kaluar dhe u hodh në treg më pak se një muaj më parë. Ndodhet në Los Anxhelos, në zonën super ekskluzive të Pacific Palisades, midis maleve Santa Monica dhe Oqeanit Paqësor. Vila është e rrethuar nga rreth 4000 metra katrorë tokë, një kopsht i madh ku ata mund të shijojnë klimën e butë të Los Anxhelosit.
Çështjet e pasurive të paluajtshme të çiftit nuk mbarojnë me kaq. Jennifer ka nxjerrë në shitje rezidencën e saj të stilit Bel Air me një çmim prej 42 milionë dollarësh, ndërsa Affleck e ka shitur shtëpinë e beqarisë vitin e kaluar për 28 milionë dollarë./Katror.info
Mundesh me e lexu edhe...
Përgatiti:
