Akil Gjakova fitoi medaljen e argjendtë, ndërsa Nora Gjakova dhe Distria Krasniqi medalje të bronzta në Grand Slam Paris 2025!
Akil Gjakova në xhiron e parë ishte i lirë, në xhiron e dytë ai mposhti me Ippon, francezin Peter Jean. Në xhiron e radhës ai mposhti me Ippon, japonezin Shusuke Uchimara, kurse në çerekfinale mposhti me yuko, garuesin nga Azerbejxhani, Rashid Mammadaliyev. Në gjysëmfinale ai mposhti me Wazaari, garuesin nga Italia, Manuel Lombardo. Gjakova në finale u mposht nga Shakhram Ahadov nga Uzbekistani, por duke sjellë në shtëpi medaljen e argjendtë, ka njofutar Federata e Xhudos e Kosovës.
Sipas Federatës, me një paraqitje të jashtëzakonshme, Nora Gjakova ka siguruar medaljen e bronztë në Grand Slam Paris! Në xhiron e parë Nora mposhti me dy Wazaari për Ippon, francezen Rania Drid. Duke vazhduar në xhiron e dytë, ku mposhti me yuko dhe Ippon, kroaten Iva Oberan.
Në çerekfinale Gjakova humbi me yuko, nga japonezja Megu Danno. Kurse në repasazh mposhti me dy Wazaari për Ippon, garuesen nga Spanja, Cristina Cabana Perez. Në ndeshjen vendimtare, ajo mposhti Kampionen Botërore aktuale Joanne Van Lieshout nga Holanda.
Distria Krasniqi ka fituar medaljen e bronztë në Grand Slam Paris, duke treguar forcë dhe teknikë të jashtëzakonshme, ka njoftuar Federata e Xhudos. Distria ka fituar katër medalje në Grand Slam të Parisit ndër vite dhe një medalje Olimpike në vitin 2024 në Paris. Distria në xhiron e parë ishte e lirë, në xhiron e dytë ajo mposhti me tri dënime për Ippon, francezen Alyssia Poulange.
Krasniqi në çerekfinale me dy Wazaari mposhti, spanjollen Ayumi Leiva Sanchez. Kurse në gjysëmfinale humbi me Ippon, kundër japonezes Kisumi Omori. Në ndeshjen vendimtare për medaljen e bronztë, ajo fitoi ndaj Khorloodoi Bishrelt nga Emiratet e Bashkuara Arabe , duke siguruar edhe një sukses tjetër të madh për xhudon kosovare.
“Një tjetër kapitull i lavdishëm për xhudon tonë – Akil Gjakova, Distria Krasniqi dhe Nora Gjakova u ngjiten në podiumin e një prej garave më të forta në botë, duke i sjellë tri medalje Kosovës! Nën udhëheqjen e Kryemjeshtrit Driton Kuka dhe trajnerit Fatos Tabaku, ekipi ynë dëshmoi edhe një herë se puna, disiplina dhe pasioni krijojnë kampionë!,” thuhet në urimin e Federatës së Xhudos së Kosovës./Katror.info
Përgatiti:
