Kompania OpenAI ka njoftuar një partneritet strategjik me gjigantin e çipave AMD, me synimin për të zhvilluar AI edhe më shumë.
“Jemi të entuziazmuar që po bashkëpunojmë me OpenAI për të ofruar fuqi kompjuterike në shkallë masive,” tha Lisa Su, CEO e AMD. “Ky partneritet sjell më të mirën nga të dy kompanitë, duke krijuar një situatë fitimprurëse për të dyja palët dhe për të avancuar gjithë ekosistemin e AI-së”.
Marrëveshja vjen vetëm një muaj pasi OpenAI njoftoi një bashkëpunim strategjik me Nvidia, që përfshin ndërtimin e të paktën 10 qendrave të dhënash me GPU-të e saj.
Mundesh me e lexu edhe…
Ndërkohë, marrëveshja me AMD shihet si një mënyrë për të balancuar dominimin e Nvidia-s në tregun e çipave të AI-së.
Sipas kushteve të reja, OpenAI do të ketë mundësinë të marrë deri në 160 milionë aksione të AMD-së (rreth 10% e kompanisë) me çmim simbolik, pasi të arrihen objektivat e përcaktuara.
“Ky bashkëpunim është një hap madhor drejt ndërtimit të kapacitetit të nevojshëm për të realizuar potencialin e plotë të AI-së,” deklaroi Sam Altman, CEO i OpenAI. “Lidershipi i AMD në teknologjinë e çipave me performancë të lartë do të na ndihmojë të përshpejtojmë progresin dhe të sjellim përfitimet e AI-së tek të gjithë, më shpejt”. /AP/Katror.info
