OpenAI, pionieri në inteligjencën artificiale, planifikon të lansojë modelin e tij GPT-5 që në muajin gusht, sipas raportimeve të The Verge, duke u bazuar në burime të njohura me planet.
Modeli i ri, i cili pritej të dalë këtë verë, do të pozicionohet si një sistem AI që përfshin modele të ndryshme dhe mund të kryejë funksione të ndryshme, në vend të një modeli të vetëm AI, shkruan Reuters, përcjell Katror.info.
Startupi i mbështetur nga Microsoft (MSFT.O) do të përfshijë modelin e tij o3 së bashku me teknologji të tjera, tha CEO Sam Altman në shkurt, në një përpjekje për të thjeshtuar ofertat e tij.
Mundesh me e lexu edhe…
Qëllimi përfundimtar i startup-it është të bashkojë modelet e serisë o dhe GPT, duke synuar krijimin e sistemeve AI që mund të përdorin të gjitha mjetet në dispozicion dhe të kryejnë një gamë të gjerë detyrash.
“Ndërsa GPT-5 pritet të debutojë në fillim të gushtit, datat e planifikuara të lëshimit nga OpenAI shpesh ndryshojnë për t’iu përgjigjur sfidave në zhvillim, kapacitetit të serverëve, ose edhe njoftimeve dhe rrjedhjeve të modeleve konkurrente të AI,” thuhet në raport./Katror.info
