Në Ditën Botërore të Tokës, organizatat mjedisore në Kosovë drejtojnë thirrje urgjente drejt 120 deputetëve të parlamentit të Kosovës për të kërkuar vëmendjen dhe ndërhyrjen e tyre për të anuluar udhëzimin administrativ për Leje Mjedisore të nxjerrë nga Ministri i Mjedisit, Liburn Aliu, i cili përjashton publikun nga pjesëmarrja në vendimet që i prekin ata, dhe i jep autoritet të plotë ministrit Aliu për të vendosur për shfrytëzimin e resurseve natyrore të Kosovës, thuhet në komunikatën për media të organizatave Pishtarët, Gjethi dhe EcoZ.
“Kjo thirrje dhe ndërhyrja e deputetëve është kritike në këtë moment, pasi sot është bërë një muaj që 50 organizata jo-qeveritare nga Kosova, si dhe organizata për mbrojtjen e lumenjve nga Austria Riverwatch, dërguan një letër hapur te Kryeministri i Kosovës, Albin Kurti, për të ndërhyrë dhe anuluar këtë udhëzim, por që një muaj Kryeministri është i heshtur dhe po injoron këtë thirrje të fuqishme nga 50 organizata, edhe pse edhe vet zyra e tij ka konstatuar se ky udhëzim përmban shkelje të drejtave kushtetuese.”
“Organizatat mjedisore mbeten thellësisht të zhgënjyera nga vendimi i Kryeministrit Kurti për të qëndruar i heshtur pas këtyre shkeljeve të të drejtave themelore për komunitetin dhe mjedisin, perkunder premtimeve qe ai ka dhene dhe që vazhdon të beje per mbrojtje te Kosovës. Ne i kujtojmë Kryeministrit Kurti se Kosova është toka, uji, dhe të gjitha resurset natyrore që Ministri Aliu tashme i ka futur nën kontroll,” thuhet në komunikatë.
Mundesh me e lexu edhe…
Letra e plotë drejtuar deputetëve të Kosovës.
Përgatiti:
